Joe Bidenek irabazi ditu AEBko hauteskundeak
Joe Biden Etxe Zurirako hautagai demokratak irabazi ditu hauteskunde presidentzialak, AEBko hedabideen proiekzio ia guztien arabera.
CNN, NBC News, ABC eta Associated Pressen kalkuluen arabera, Bidenek lortu ditu jada presidente izateko beharrezkoak diren 270 botoak Pennsylvaniako estatuari zegozkion 20 botoak eta Nevadako 6ak eskuratu ondoren. AEBko hedabideek 17:27 inguruan eman dute ezagutzera azken proiekzioa.
Han irabazita, Bidenek 290 boto izango ditu, eta Donald Trump egungo presidenteak 214.
Oraindik Alaska, Georgia eta Ipar Karolina estatuetako bozketen azken emaitzen zain dira eta lehen hiruetan ere Biden doa buru. Zenbaketak aurrera jarraitzen du, beraz.
Bidenek 77 urte ditu eta AEBko presidenteorde ohia izan zen Barack Obamaren agindupean.
Datorren urteko urtarrilaren 20an hartuko du kargua AEBko 46. presidentea izango denak.
Bidenen lehen hitzak presidente gisa
Publiko egin duen lehen mezuan, eskerrak eman dizkie estatubatuarrei Bidenek eta "herritar guztiak, demokratak zein errepublikarrak" kontuan izango dituela esan du.
"Amerika, ohore handia da gure herrialde handia gidatzeko aukeratu izana. Aurrean dugun lana gogorra izango da, baina hau agintzen dizuet: estatubatuar guztien presidente izango naiz, nire alde bozkatu edo ez. Nigan jarri duzuen fedearen maila emango dut", idatzi du Twitterren duen kontuan.
Mezu hori errepikatu du bere kanpainatik bidalitako ohar batea ere: "Zintzo eta umiltasunez beteta sentitzen naiz, AEBko herriak nigan eta Kamala Harris presidenteordearengan jarri duen konfiantzagatik. Orain, kanpaina amaitu denean, erretorika gogorra atzean utzi eta nazio gisa batzeko garaia da".
AEBko historian boto gehien lortu dituen presidentegaia ere bada Biden, eta berarekin batera, Kamala Harris kideak ere historia egin du, lehen emakumea izango baita AEBko presidenteorde izaten, baita kargu horretara iritsi den lehen emakume beltza ere.
Twitterren "aurrean lan handia" dagoela esan du Twitterren, eta hasteko ordua dela.
"Hauteskunde hauek ez dira Joe Bideni eta nire buruari buruz. Estatu Batuetako arimaz ari gara, eta horren alde borrokatzearen gure borondateaz. Lan handia daukagu aurretik, has gaitezen", idatzi du.
Demokraten zorion agurrak
Alderdi Demokrataren buruzagi nagusiek zorionak eman dizkiete Biden eta Harrisi. Hillary Clinton hautagai ohiak hautagaitza "historikoa" nabarmendu du. "Hautesleek hitz egin dute, eta Joe Biden eta Kamala Harris hautatu dituzte gure hurrengo presidente eta presidenteorde bezala. Hautagaitz historikoa da, Trumpi gaitzespena, Estatu Batuentzat orrialde berri bat. Eskerrik asko hau gertatzea egin duten guztiei. Momentu honetatik aurrera, elkarrekin", esan du.
Nancy Pelosi Ordezkarien Ganberako presidenteak zera esan du: "Errepublika mantentzea lortu dugu! Zorionak Joe Bideni gure herrialdearen arimaren garaipenagatik. Zorionak Kamala Harrisi historia egiteagatik. Osatzeko eta elkarrekin hazteko momentua da".
Primarioetan Bidenen aurkari nagusia izan zen Bernie Sandersek ere presidente hautatua zoriondu du: "Egun historiko hau posible egiteko hain gogor lan egin duten pertsona guztiak zoriondu nahi ditut".
"Orain eta gure oinarri antolatuen bitartez GUZTIENTZAT eta ez gutxi batzuentzat lan egiten duen gobernu bat sortuko dugu. Justiziaren gainean eraikitako nazioa, eta ez diruzalekeriaren eta intolerantziaren gainean", idatzi du.
Bidenen jaraitzaileak emaitza ospatzera irten dira kalera, batez ere Etxe Zuria inguruan. Denak pozik agertu dira hautagai demokratak irabazi duelako eta Trumpek AEBko presidentea izateari utziko diolako.
Trump ez dago konforme
Donald Trump ez dago konforme, noski, eta "aukeraketa amaitzetik urrun" dagoela eta Joe Bidenek garaipena "faltsuki" aldarrikatu dituela salatu du.
"Denok dakigu zergatik Joe Bidenek bere burua garailetzat jo duen horrenbesteko presaz, eta zergatik ari diren bere aliatuak laguntzen hain gogor: ez dute egia azaltzerik nahi. Hauteskunde hau amaitzetik urrun dago ", adierazi du Trumpek ohar baten bidez.
"Astelehenetik aurrera, gure kanpaina auzitegietan kasua defendatzen hasiko da, hauteskunde legeak guztiz bete direla eta irabazle egokia aldarrikatua dela ziurtatzeko", azpimarratu du.
Urkullu, Sanchez eta Macronen mezuak
Iñigo Urkullu lehendakariak Estatu Batuetako "presidente berria", Joe Biden, zoriondu du, eta esan du Eusko Jaurlaritzak Euskadik herrialde horretan dituen interesak eta harremanak indartzearen alde lanean jarraituko duela.
"Etapa berri bat hasi da, eta harreman transatlantikoak eta aldeaniztasuna sendotzea espero dugu", esan du lehendakariak.
Espainiako Gobernuko presidente Pedro Sanchezek ere zorion mezu bat idatzi du Twitterren. Administrazio berriari "suertea" opa dio, eta "prest" agertu da AEBekin kooperatzeko eta erronka globalei "elkarrekin" aurre egiteko.
Emmanuel Macron Frantziako presidenteak ere hitz egin du: "Estatubatuarrak beren presidentea aukeratu dute. Zorionak Joe Biden eta Kamala Harrisi! Asko dugu egiteko gaurko desafioak gainditzeko! Elkarrekin egin dezagun!".
Zure interesekoa izan daiteke
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.