BBVA eta Sabadell fusionatzeko aukera aztertzen ari dira
BBVA eta Sabadell bankuak fusionatzeko aukera aztertzeko elkarrizketak abiatu dituzte bi erakunde horietako ordezkariek, EFE agentziak jakinarazi duenez. Egitasmoa gauzatuko balitz, 950.000 milioi eurotik gorako taldea sortuko litzateke, CaixaBanken eta Bankiaren arteko bateratzeak eman duenaren parekoa.
BBVAk Balore Merkatuaren Batzorde Nazionalari jakinarazi dio Sabadellekin harremanetan dagoela, egoeraren azterketa egiteko eta kanpoko aholkulariak aukeratzeko. Alabaina, balizko bategiteari buruzko erabakia hartuta ez dagoela azpimarratu du.
"Oraindik ezin daiteke esan bateratze hori gauzatuko denik, ezta zein baldintzatan egingo litzatekeen ere", adierazi dute BBVAko iturriek. Edonola ere, EFE agentziak aurreratu du banketxe berriak 46.000 langile eta 4.200 bulego izango lituzkeela Espainian, eta Mexikora, Turkiara eta Erresuma Batura hedatzeko asmoa izango lukeela.
Joan den irailean, CaixaBankek eta Bankiak bat egin zezaketela jakin zenean, indarra hartu zuen BBVA eta Sabadellen arteko balizko fusioari buruzko zurrumurruak. Operazio horretara Kutxabank batu zitekeela ere zabaldu zen orduan.
Bestalde, BBVAk Ameriketako Estatu Batuetan duen filiala 9.700 milioi eurogatik saldu duela jakinarazi du astelehen honetan. Salmenta horri buruz azalpenak emetarakoan, Carlos Torres Vila BBVAko presidenteak esan du ez duela baztertzen diru hori balizko fusio batean erabiltzea.
Testuinguru honetan, BBVAren akzioek gora egin dute burtsan, baita Sabadellenak ere.
Zure interesekoa izan daiteke
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean Greba Batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurralde arteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.