Aernnovak Berantevillan duen lantegian lanuztea egingo dute datorren ostegunean
Aernnovak Berantevillan (Araba) duen fabrikako langileek manifestazioa egin dute gaur, Gasteizen, enpresaren zuzendaritzak iragarritako enplegua erregulatzeko espedientearen (EEE) kontra protesta egiteko. Multinazionalak mahai gainean jarri duen espedientearen arabera, 100 bat kaleratze daude aurreikusita Berantevillako lantegian.
Martxaren amaieran irakurri duten agirian, Juan Carlos Gomez Aernnova Arabako enpresa batzordeko presidenteak jakinarazi du datorren ostegunean, azaroaren 26an, lau orduko lanuztea egingo dutela Berantevillako lantegian. Egun horretan bertan, bestalde, lau orduko batzarra ere egingo dute langileek, eta, beraz, ez da lanik egingo egun horretan.
Halaber, Eusko Jaurlaritzako Ekonomiaren Garapen, Jasangarritasun eta Ingurumen Saileko ordezkariekin ere bilera dute deituta sindikatuetako ordezkariek ostegunerako. Bitartekaritza eskatuko diote Gasteizko Gobernuari, eta kaleratzeak geldiarazteko neurriak har ditzala. Batzar hori amaitutakoan, manifestazioa egingo dute Arabako Foru Aldundiaren egoitzaren atariraino.
Gomezek esan du Jaurlaritzak, aldundiek eta beste hainbat erakundek azken urteotan "diru publiko asko" bideratu dutela aeronautika sektoreko enpresetara, eta, horregatik, Aernnova multinazionalari "presioa egin diezaiola" eskatu diote administrazioari.
Zure interesekoa izan daiteke
Gizon bat hil da Durruma Donemiliagan izandako lan-istripu batean
Istripua ostiralean gertatu zen, 18:30 aldera. Belar bola batek azpian harrapatu zuen langilea.
Tubos Reunidosek 118,1 milioi galdu ditu 2025ean
Azken urtean, finantza-zor garbia 234,3 milioi eurotik 263,2 milioi eurora igo da, besteak beste, FASEE maileguaren interes kapitalizatuen eraginaren ondorioz.
KPIa % 3,3ra igo da martxoan, erregaien prezioen igoeraren ondorioz
Urte arteko KPIaren puntu bateko igoera hau 2022ko ekainaz geroztik izandako handiena da; inflazioa % 8,7tik % 10,2ra igo zen urte hartan.
"Gatazka piztu da berriro" Ertzaintzan, Euspelen arabera
Sindikatua hirugarren indarra izatetik lehen indarra izatera igaro da, 1.732 boto bildu eta 20 ordezkari eskuratuta. "Euspel ez da aldatuko lehen indarra izateagatik", esan du Joseba Saralegi Euspeleko ordezkariak.
Euspelek irabazi ditu Ertzaintzaren hauteskunde sindikalak, eta 20 delegatu izango ditu
Esan bigarren indar gisa kokatu da, horrek ere 20 delegatu lortu baititu. ErNE, azken bi hamarkadetan EAEko polizia autonomikoan gehiengoa izan duen sindikatua, berriz, hirugarren postuan geratu da.
Greba Batzordeak eta Osasun Ministerioak elkarrizketei ekin diete berriro, bi asteko grebaren ostean
Alderdi guztien elkarrizketarako borondatea eskatu dute, Estatutu Markoa lortzeko.
Bilboko Aireportuko ‘handling’ zerbitzuko langileek greba egingo dute astelehenetik aurrera
Maletak eramateaz eta aireportuetako beste zerbitzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
52 urteko gizon bat hil da Valtierran, lan-istripuz
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.
Ertzaintzan hauteskunde sindikalak egingo dituzte gaur, lantaldea handitzeko eskaera mahai gainean dutela
Botoa emateko eskubidea duten 7.078 ertzainek 60 ordezkari aukeratu beharko dituzte: 17 Araban, 23 Bizkaian eta 20 Gipuzkoan.