Iruñeko Udalak 119 lanpostuko lan eskaintza publikoa onartu du
Iruñeko Udalak 2020. urteari dagokion Lan Eskaintza Publiko (LEP) berria onartu du gaurko gobernu bileran. Guztira, 119 lanpostu eskainiko ditu. Erretiratu direnen 40 lanpostu betetzea eta egun behin-behineko langileek betetzen dituzten 79 lanpostu egonkortzea da helburua.
Ohar bidez jakinarazi duenez, Udalak 1.629 lanpostu ditu gaur egun eta horietatik 733 hutsik daude. 733 lanpostu horietatik 587 bitarteko langileek betetzen dituzte, eta 146, bete gabe daude. 2020ko lan eskaintza publiko honekin, lanpostu hutsen % 27 eta bitarteko langileek betetzen dituzten lanpostuen % 13,5 beteko dira.
Erretiratutako funtzionarioek hutsik utzitako 40 lanpostu beteko dira. Horietatik 25 plaza Udaltzaingoari dagozkio eta lau Gizarte Langintzari. Gainera, arkitekto tekniko posturako bi plaza aurreikusi dira eta plaza bana, ostera, Kulturako goi-mailako teknikari izateko, desinfekzio eta mantentze-lanetarako, bateraezintasuneko erdi-mailako tituludun izateko, hilerriaren administraziorako, mugikortasuneko ikuskatzaile laguntzaile izateko, Musika Eskolako piano irakasle izateko, erizaintzako teknikari izateko, osasun publikoko goi mailako teknikari izateko eta Gizarte Hezkuntzarako.
Hutsik dauden lanpostuak betetzea ezik, egun behin-behineko langileek betetzen dituzten 79 lanpostu egonkortu nahi dituzte. Batez ere, behin-behinekotasun tasa handia duten bi kolektibori eragiten die, funtzionamendu-laguntzaileei (ikastetxeak eta kiroldegiak, batez ere) eta hiri-kontserbazioko mantentze lanetako laguntzaileei. Lehenengoen kasuan, % 50eko behin-behinekotasuna dute gaur egun eta 52 plaza eskainiko dira eta, bigarrengoen kasuan, gaur egun % 30etik gorako behin-behinekotasuna dute eta 9 egonkortze plaza eskainiko dira.
Hauek dira egonkortze prozesu horretan sartzen diren beste lanpostu batzuk: Gizarte Hezkuntzarako hiru plaza, Arkitektura Teknikoko eta Zerga Ikuskaritzako bina plaza, Ingeniari Kimiko Teknikoko postu bat, Esku-hartzerako postu bat, Mugikortasuneko Ikuskatzaile Laguntzailerako postu bat eta Ikuskatzaile Laguntzaile izateko postu bat.
Halaber, buruzagitza eta ardura postu batzuk proben bitartez beteko dira eta ez izendapenen bidez.
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.