Gipuzkoako eraikinen garbitzaileek greba deialdiei eutsiko diete
Gipuzkoan eraikinak eta lokalak garbitzen dituzten langileen ordezkariek eta patronalak Donostian egin duten bilera aurrerapausorik eman gabe amaitu da; ondorioz, ELA, LAB, CCOO eta UGT sindikatuek urtarrilerako deitu dituzten bi greba egunei eusten diete, lan-hitzarmen "duina" eskatzeko.
Negoziazio mahaia 11:00etan elkartu da Lan Harremanen Kontseiluak Amaran duen egoitzan, eta atarian elkarretaratzea egin dute 50 bat langilek.
Aipatu lau sindikatuetako ordezkariak eta ESK-ko bat, mobilizazioekin bat egin ez duena eta % 5 inguruko ordezkaritza duena, joan dira batzarrera, aurreko abenduaren 1ekoari jarraipena eman dionera.
Ane Alberdi ELAren ordezkariak hitzorduaren ostean jakinarazi duenez, abenduaren 1ean 2020ko soldata izoztea proposatu zuen ASPEL patronalak, eta langileek "onartezin" jo zuten.
Garbitzaileek lurraldeko lan-hitzarmen "duina" eskatzen duten arren, 2018koan agertzen diren soldatak eguneratzea eta kaleko garbitzaileekiko dagoen % 28ko "soldata arrakala" amaitzea dira aldarrikapen nagusiak, ordezkari sindikalaren arabera.
Alberdik esan du patronalak gaur % 1eko igoera proposatu duela 2020rako, eta beste hainbeste 2021erako, baina "atzerapenik ez" eta "beranduenera jota abenduaren 31n sinatzeko baldintzarekin", urte berriarekin batera eskaintza "bertan behera" utziko luketelako.
"Adar jotze" eta "mehatxu" izateaz gain, Alberdik uste du proposamena "barregarria" dela eta iaz eskainitako % 1,5eko eskaintzaren aurrean, "atzerapausoa".
Enpresarien aitzakia omen da "gastu handiak" egiten ari direla langileak covid-19aren aurrean babesteko, baina langileek behin eta berriz salatu dute "inolako babesik gabe" egiten dutela lan.
Alberdik azaldu duenez, "KPIa gehi % 28ko soldata igoera" eskatzen dute "7 urteko epean", 2019tik 2025era, denbora tarte horretan "soldata arrakala" kentzeko, baina eskaera erdira txikitu dute "jarrerak gerturatzeko"; hau da, KPI gehi % 2a urtero epe berean.
ELAren ordezkariak jakinarazi du urtarrilaren 15erako jarri dutela hurrengo bilera, ELAk, LABek, CCOOk eta UGT urtarrilaren 21erako eta 22rako deitu dituzten grebak baino egun batzuk lehentxeago.
Zure interesekoa izan daiteke
Tubos Reunidoseko Amurrioko eta Trapagarango batzordeek bilera egingo dute astelehen honetan, EEEaren inguruko jarrera erabakitzeko
Enplegu Erregulazio Espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.