Eusko Jaurlaritzak 500 milioi euroko abal-linea berria jarriko du abian
Eusko Jaurlaritzako Ekonomia eta Ogasun Sailak enpresa, enpresa txiki eta ertainei eta autonomoei finantza-laguntza emateko 500 milioi euroko programa berri bat jarriko du martxan 2021ean.
Pedro Azpiazu Ekonomia eta Ogasun sailburuak Eusko Jaurlaritzaren agerraldi sortari hasiera eman dio astelehen honetan, sail bakoitzeko aurrekontuak aurkezteko, eta esan du aurrekontu proiektuak neurri eta inbertsio "egokiak jasotzen dituela", koronabirusaren pandemiak eragindako egoera ekonomiko eta sanitario "gogorrari" aurre egiteko.
Horrela, Sailak dituen 87,3 milioi euroetatik, Elkargiren bitartez, enpresa, enpresa txiki eta ertainentzako eta autonomoentzako finantzaketa-lerroen kostuek eragindako gastuak estaltzeko erabiliko dituzten 32,4 milioi euroak nabarmendu ditu. Hala, sailburuak berretsi duenez, urtea hasi bezain laster, Jaurlaritzak autonomoentzako eta enpresa txiki eta ertainentzako 500 milioi euroko abalen programa berria jarriko du martxan.
Lerro berriaren baldintzak 8 urteko epeetan ezartzen dira (gabealdiko 2 eta amortizazioko 6), zero interes-tasarekin (interes-tasaren % 100 diruz laguntzen da) eta abalaren % 0,375eko komisioarekin (abalaren komisioaren % 50 diruz laguntzen da). Programa berriaren barruan ezartzen denez, 10.000 eta 25.000 euro arteko eskabideak azkarrago eta errazago izapidetu ahal izango dira.
2021eko programa berriaren onarpenean bertan, 2020ko programaren babesean formalizatutako eragiketa guztiek epeari dagozkion baldintzak aldatu ahal izango dituztela adieraziko da, gabealdia urtebetez luzatuz eta azken muga-eguna 3 urtez luzatuz, hau da, 1+4 izatetik 2+6 izatera igaro ahal izango dira.
Orain arte 2020ko programan sartu diren jarduera-sektore guztiek eska ditzakete laguntza. Aldaketa garrantzitsuenen artean hau nabarmentzen da: Hitzarmena duten eta Hartzekodunen konkurtsoan dauden eta ordainketetan egunean dauden enpresak ere programaren onuradun izan ahalko dira.
"Ziur nago apustu honek enpresei, enpresa txiki eta ertainei eta autonomoei 2021. urteari berme finantzario handiagoekin aurre egiten lagunduko diela", adierazi du Azpiazuk.
Sailaren esku dauden bi Erakunde Autonomoei dagokienez, Azpiazuk azaldu duenez EUSTATek trantsizio-ekitaldi bati ekingo dio; izan ere, urteko estatistika-programaz gain, 2022ra arte ez da estatistika-planaren lege berria prestatzen hasiko. Bere autonomia funtzionala dela eta, Lehiaren Euskal Agintaritzak 2021erako planaren azalpena egingo du.
Finantzen Euskal Institutuak, Ekonomiaren Garapen, Jasangarritasun eta Ingurumen Sailetik datozen Finkatuz funtserako kredituak berregituratu ditu, baina ez du haren helburuan aldaketarik planteatzen. Gainera, finantza tresnak berregituratzen jarraituko du, aurreko legegintzaldian egiten hasi zen bezala.
Akordiorako deia
Azpiazuk berretsi du Eusko Jaurlaritzak ez duela "babes berezirik behar" 2021eko aurrekontu proiektua Eusko Legebiltzarrean onartzeko, baina ez diola uko egiten EAJk eta PSE-EEk Legebiltzarrean duten gehiengo osoa bermatzen dioten babes gehigarriak lortzeari.
"Nire iritziz, aurrekontuei dagokienez ekitaldi erabakigarri baten aurrean gaude. Ekitaldi honetan arlo publikotik garapen ekonomikorako oinarri sendoak jartzen asmatzen badugu, dauzkagun baliabideak eta etor daitezkeen diru-sarrerak kontuan hartuta, argi eta garbi dago hobeto joango zaigula", azaldu du.
Hala, Eusko Jaurlaritzaren politika publikoen oinarrizko printzipioekin kontraesanean ez dauden eta positiboak diren zuzenketak aintzat hartuko direla ziurtatu du. "Beti bezala, politika egitea eskatzen dugu, Euskadirentzat erabakigarria den une honetan hori delako aurrera egiteko gakoa", gaineratu du.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.