Joaquin Beltran aurkitzeko "itxaropen irmoa" mantentzen du Eusko Jaurlaritzak
Eitzagako (Zaldibar) zabortegian luizia gertatu zenetik urtebete pasa denean, Joaquin Beltran langilearen gorpuzkiak aurkitzeko "itxaropen irmoa" mantentzen dutela ziurtatu du Josu Erkoreka Segurtasun sailburu eta lehendakariordeak.
Behargina topatzea beste agertokirik ez du aztertzen Jaurlaritzak, azaldu duenez. Bestalde, gaurtik aurrera bilaketan fase berri bat hasten dela jakitera eman du lehendakariordeak.
Dagoeneko 525 000 metro kubiko zabor hondeatu dituztela adierazi du Exekutiboak, horietatik 372 038 arrastelatu eta galbahetu dituztelarik. Orain bilaketa lanak B1B eta B1C eremuetan murgilduko dira, "toki horietan topatzeko itxaropen irmoarekin".
Erkorekak eta Arantxa Tapia Garapen Ekonomiko, Jasangarritasun eta Ingurumen sailburuak zonaldea bisitatu dute, egoeraren berri izateko eta bilaketa prozesua bertatik bertara ikusteko.
Bilatzeari uzten diotenean, hondakin gehiago botako ez dituztela eta zabortegia "behin betiko itxiko" dutela azpimarratu du Tapiak.
Nabarmendu duenez, nahiz eta martxoan alarma egoera ezarri, zabortegian lanak Gabon-gauan, Eguberrian, Urtezahar-gauan eta Urteberri-egunean bakarrik eten zituzten, baita iraileko egun batean ere, euri-jasa bortitzen ondorioz.
B1B eta B1C eremuak
B4S zonaldean bilaketa arrakastarik gabe amaitu da, eta orain B1B eta B1C zonaldeetan hasiko dira lanean. "Bilaketa beroa" martxo hasieran aurrera eramatea espero dute, "toki horietan aurkitzeko itxaropen irmoarekin".
Horrela, lehentasuna B1B lursaila da. Zabortegiko kamioiak garbitzeko putzua bertan zegoen, eta Beltran han egon daitekeela uste dute adituek, desagertutako langilea Alberto Sololuze zegoen zonaldera mugitu baldin bazen.
Josu Erkoreka eta Arantxa Tapia sailburuak Zaldibarko zabortegian. Argazkia: EFE
Era berean, B4S zonalde garaiko beste leku batean bilatzeko gomendioa eman dute adituek, Josu Erkoreka lehendakariordeak iragarri duenez. Horregatik, martxoan abiatuko diren lanek emaitzarik ematen ez baldin badute, B4Sn hasiko dira lanean, apirilean.
"Zailtasun guztiak gainditu eta Alberto Sololuzeren familiari haren gorpuzkiak ematea lortu genuen. Joaquinen familiarekin gauza bera egitea oso garrantzitsua da, sosegua aurki dezaten", esan du Erkorekak. "Gobernuaren lehentasuna" izaten jarraitzen duela azpimarratu du.
Aditu geoteknikoen txostena
Geoteknia adituen bi lantalderi txostena egiteko eskatu zien Jaurlaritzak, luizia zergatik gertatu zen argitzeko. Txotena Fiskaltzaren esku jarri dutela iragarri du Tapiak. Zabortegiaren eraikuntza moduan eta iragazgaiztean "arreta jarri" du txostenak.
Bestalde, Luiziaren ostean, 2002an Verter Recyclingi emandako ingurumen baimenaren inguruko kanpo auditoria bat egitea eskatu zutela gogorarazi du Tapiak. Hondakin ez arriskutsuak ustiatzeko baimena eman zioten zabortegiari.
"Legedia bete da, Zabortegi eta Industria Isurketen Europako zuzentarauen arabera", zehaztu zuen dokumentuak.
Era berean, Eusko Jaurlaritzaren Ingurumen Saileko Ikuskaritzak egindako kontrolek Europako zuzentarauak bete zituztela ebatzi zuen agiriak.
Orain 'Zaldibar (Bizkaia)- Hausturaren arrazoien inguruko txostena' Fiskaltzaren esku utzi dute, abiatutako prozesu judizialean informazio gehiago izateko.
Zure interesekoa izan daiteke
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.
2026rako pentsioen igoera onartu du Ministroen Kontseiluak, dekretu batean
Kotizaziopeko pentsioak % 2,7 igoko dira, gutxienekoak % 7 baino gehiago, eta familia-kargak dituzten alargunentzako pentsioak, kotizazio gabekoak eta Bizitzeko Gutxieneko Diru-sarrera % 11,4 igoko dira. Igoera horiek lege-dekretu batean jaso dira, banandurik, eta azkenean "gizarte-ezkutua" deitutakotik bereizi da, eta Kongresuan onartuta, pentsiodunen erosahalmena bermatu nahi da.
Erregai sintetikoak ekoizteko Petronorren instalazioa 2027an egongo da martxan, 170 milioiko inbertsioarekin
Instalazioan erregai sintetikoak sortuko dira, hala nola diesela, SAFa eta nafta, gasolinaren osagai nagusia. Urtean 2.000 tona ekoizteko moduko planta izango da. Erregai horiek kamioiak, itsasontziak eta hegazkinak hornitzeko erabili ahal izango dira.