Krisiak gehien kaltetutako sektoreak laguntzeko neurriak adostu dituzte hiru Ogasunek
Arabako, Bizkaiko eta Gipuzkoak Ogasunek neurri sorta berria adostu dute covid-19aren krisiak gehien kolpatu dituen sektoreak laguntzeko, autonomoak eta enpresa txikiak, bereziki.
Dagoeneko Eusko Jaurlaritzarekin partekatu dute foru dekretu-arau berria eta laster eramango dute hiru lurraldeetako Diputatuen Kontseiluetara.
Araudi berriaren arabera, zerga pizgarri berriak ezarriko zaizkie covid-19aren krisiak bereziki kaltetu dituen negozioei alokairua jaisten dieten alokatzaileei. Bizkaiko Foru Aldundiak ohar bidez jakinarazi duenez, ostalaritza eta merkataritza txikiaren alokairuak ez ezik, negozio lokalen eta pabilioek alokairuak eta jarduera ekonomikoak egiten diren etxebizitza alokairuak ere aintzat hartuko dira.
Kenkari horiek Pertsona Fisikoen Errentaren gaineko Zergan (PFEZ) eta Sozietateen gaineko Zergan ezarriko dira.
PFEZaren kasuan, jaitsitako zenbateko osoa gastu kengarri bezala hartuko da. Hala ere, alokairua alokatzailearentzako kapitalaren etekina den kasuetan, sarrera nahikoak ez izateagatik kengarri ez den gastuaren zatia kenkari bezala erabili ahalko da (kuota osoaren % 15). Kenkaria aplikatu ahal izateko kuota nahikorik ez dagoen kasuetan, hurrengo urteko PFEZan aplikatu ahalko da.
Sozietateen gaineko Zergaren kasuan, alokatzaileek gastu kengarri bezala izango dute covid-19agatik jarduera ekonomikoa bereziki kaltetua izan dutenen alokairuaren errentan egindako jaitsieraren zenbateko osoa.
Kenkariak aplikatu ahal izateko bi baldintza bete beharko dituzte eskatzaileek: batetik, alokairuaren zenbatekoaren jaitsiera gutxienez 2021ko hiru hilabetetan luzatu beharko da; bestetik, ezingo da egon inongo konpentsaziorik eskatu edo orain ordaintzeari utzitakoa ordaintzeko eskatu.
Ordainketa zatikatuak
Bestalde, bigarren neurriak autonomoei eragiten die. Iazko lau hiruhilekoetan egin bezala, jarduera ekonomikoak egiten dituzten zergadunek ez dizkiete derrigorrean aurtengo lehen eta bigarren hiruhilekoei dagozkien ordainketa zatikatuak Ogasunei ordaindu beharko.
Jarduera ekonomikoari berriro ekiteko laguntzak
Azkenik, hiru Ogasunek kenkari berriak adostu dituzte covid-19ak bereziki kaltetu dituen jarduera ekonomikoak berriro ere jarduerara itzultzen laguntzeko.
Albiste gehiago ekonomia
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".