Aernnovarekin batera ITP erostea "zentzuzkoa" litzatekeela uste du Jaurlaritzak
Eusko Jaurlaritzak eta Aernnovak elkarrekin ITP Aero erostea "zentzuzkoa" dela uste du Pedro Azpiazu Eusko Jaurlaritzako Ekonomia eta Ogasun sailburuak.
Balizko erosketa operazio hori hizpide izan du sailburuak, baina haren esanetan Arantxa Tapia buru duen sailari dagokio azken erabakia. Gaineratu duenez, auzia aztertzen ari dira orain ITPrekin eta Aernnovarekin.
Azpiazuk ITP enpresa erosteko aukeraz hitz egin du, baina erabaki hori hartzea ona edo txarra den jakiteko daturik ez duela zehaztu du. Haren hitzetan, Eusko Jaurlaritzak "bere osotasunean baloratuko ditu ondorioak, eta orduan" hartuko du erabakia.
"Une honetan, ez dut datu nahikorik operazio hori ona edo txarra den jakiteko, nahiz eta, intuitiboki, zentzuzkoa dela uste dudan", azpimarratu du.
"ITPren proiektu industriala eta errotzea" lehenetsiko ditu Eusko Jaurlaritzak
Arantxa Tapia Garapen Ekonomikoko sailburuaren esanetan, ITP erosteko aurkezten diren eskaintzetan "proiektu industrialari eta gizartean eta herrialdean izango duen errotzeari" emango dio lehentasuna Eusko Jaurlaritzak.
Executive Forum delakoak antolatutako solasaldian Tapiak azpimarratu duenez, "ITP punta-puntako enpresa bat da Euskadirentzat" eta hori dela eta "etorkizun onena" opa dio.
Rolls Roycek "konpainia salgai jarri" ostean, Eusko Jaurlaritzak "ITPren jarraipena eta errotzea" bermatuko duen proiektu bat nahi duela adierazi du Tapiak. Haren esanetan, ITP erosteko "eskaintza bat baino gehiago" egongo da. Are gehiago, jakin badakitela esan du "Euskadira iritsi delako".
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.