Milaka lagunek lan-erreforma eta negoziazio kolektiboa indargabetzea eskatu dute
Milaka lagunek manifestazioa egin dute ostegun honetan Bilbon, Gasteizen, Donostian eta Iruñean, lan-erreforma eta negoziazio kolektiboa bertan behera uztea eskatzeko, pandemiaren "aitzakiarekin" kaleratzeak eragozte aldera. Era berean, euskal alderdiei eskatu diete Madrilen euren "eragina" baliatzeko eta "euren botoa konpromiso zehatzik gabeko akordio hutsen truke ez saltzeko".
Euskadin, ELA sindikatuak eta Galiziako CIG eta Kataluniako Intersindical Kanya sindikatuek deitu dituzte manifestazioak, "Sarraskiari STOP; lan erreformak indargabetu" lelopean.
Mobilizazio bateratu horiek, aldi berean, hiru sindikatuek lan-erreformen indargabetzea eta negoziazio kolektiboa bultzatzeko Madrilgo Diputatuen Kongresuan abian jarritako kanpaina bateratuaren parte dira.
Hiru sindikatuek "kalera" ateratzea erabaki dute oraingoan, Mitxel Lakuntza ELAko idazkari nagusiak Bilbon egindako manifestazioan adierazi duenez, "behin aldi baterako enplegu-erregulazioko espedienteak amaituta agindu daitezkeen kaleratze kolektiboak eta pandemiaren ostean irits daitezkeenak galarazteko eta euren herrialdeetan hitzarmenak negoziatzeko eskubidea aldarrikatzeko".
"Milaka pertsonaren enplegua eta bizi-baldintzak jokoan daude", esan du Bilboko udaletxe aurrean, manifestazioa hastear zela. Bere hitzaldian, Lakuntzak EAJri eta EH Bilduri Madrilen duten "eragina" baliatzeko eskatu die, 2010etik 2012ra Zapateroren eta Rajoyren gobernuetan onartutako lan-erreformak eta negoziazio kolektiboa indargabetzea lortzeko.
Albiste gehiago ekonomia
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.