Covid-19aren krisiari aurre egiteko zerga erreformak eskatuko ditu EH Bilduk
Koronabirusak eragindako krisi sozial eta ekonomikoari aurre egiteko zerga erreformak egitea galdegingo du EH Bilduk. Horretarako, proposamen bat aurkeztuko du Arabako, Bizkaiko eta Gipuzkoako Batzar Nagusietan, Eusko Legebiltzarrean, Nafarroako Parlamentuan eta Espainiako Diputatuen Kongresuan, Nazioarteko Diru Funtsak zerga alorrean egindako proposamenak azter ditzatela eskatuz.
Ohar batean gogoratu duenez, iaz "covid tasa" ezartzea proposatu zuen EH Bilduk erakundeetan, "baina gobernu horiek sostengatzen dituzten alderdiek errefusatu egin zuten", zorpetze publikoaren aldeko apustua eginez. Joan den astean, Nazioarteko Diru Funtsak proposamen batzuk egin zituen, EH Bilduren esanetan, koalizioak aurrez aurkeztu zituenen ildotik.
Ezker subiranistaren iritziz, beharrezkoa da zerga erreforma bat egin eta diru gehiago biltzea, "herrialde honetan sortutako aberastasuna hobeto banatzeko, eta, beraz, gehien dutenek ekarpen handiagoa egin dezaten".
Koronabirusaren krisiak "sistemaren hauskortasuna" agerian utzi duela nabarmendu du koalizioak, herritar askoren lehen mailako beharrak asetzeko gai ez dela iritzita. Ildo horretan gaineratu duenez, Nazioarteko Diru Funtsak ere zerga erreformak iradokitzen ditu diru gehiago bilduz "ahulenak babesteko".
Europara eta mundura begiratu du EH Bilduk. Hala, Erresuma Batuan sozietateen gaineko zerga % 19tik % 25era handitzea edota ondarearen gaineko zerga ezartzea eztabaidatzen ari direla aipatu du. Koalizioak azpimarratu duenez, Danimarkan aberastasun handiei eta bankuei zerga bat ezartzea planteatzen ari dira, eta Europako Batzordea, bere aldetik, multinazional handiei zerga bat ezartzea pentsatzen ari da.
Beraz, "korronte globala da, pandemiak eragindako krisi ekonomiko eta sozial larriari aurre egiteko sistemak duen ezintasunean oinarritzen dena", azaldu du.
Amaitzeko, Otegiren iritziz, Euskal Herria ezin da eztabaida horretatik at gelditu, eta "herritarrak babesteko neurri guztiak" aztertzea eskatu die erakundeei.
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.