Aztik nahi gabe arrantzatutako arrainen % 95 itsasora bueltatzeko teknika sortu du
Azti euskal teknologia zentroak diseinatutako mekanismoa probatu dute hiru atunontzik azken bi urteetan, eta nahi gabe arrantzatutako animalien % 95 itsasora bueltatzea lortu dute.
Aztiren arabera, sortu dituzten gailu konbinatuak tarteko, nahi gabe harrapatzen diren arrainak (marrazo txikiak eta dortokak, gehienetan) libre uztea lortzen da, “itsasoaren habitata errespetatzen duen atunaren industria jasangarriagoa” bultzatuta. Proiektua Eusko Jaurlaritzaren Arrantza Sailak finantzatu du eta Bolton Food konpainiako hiru atunontzitan probatu dute 2019an eta 2020an, emaitza paregabeak lortuta.
Teknikaren xehetasunetan murgilduta, teknologia zentroko kideek azaldu dute “hopper” izeneko toberaz baliatu direla eta mekanismoa ontzien eskotilan instalatu dutela. Hala, harrapatutako arraina bertara heltzean, erraz ikus daitezke nahi gabe harrapatutako espezieak eta arrapala batetik bueltatzen dituzte itsasora.
Azkar askatuta animalien estresa murrizten dute, eta espeziei bizirauten lagundu. Aztitik honakoa gaineratu dute: “Espeziak itsasora bueltatu behar dira euren bizi zikloarekin aurrera egin dezaten” eta “enpresen ardura da arrantza intzidentala murriztea”.
Albiste gehiago ekonomia
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.