Epaitegiak baliorik gabe utzi ditu PCB enpresako langileen kaleratzeak
EAEko Justizia Auzitegi Nagusiak baliorik gabe utzi ditu ITP Aero taldeak Barakaldoko eta Sestaoko lantegietan gauzatutako 83 kaleratzeak, ELA, LAB, CCOO eta UGT sindikatuek jakinarazi dutenez.
Halaber, epaimahaiak ebatzi du langile horiek beraien lanpostuetara itzuli behar direla eta enpresak kaleratzeak burutu zituenetik igaro diren egunen soldata ordaindu beharko diela.
Epaileek atzera bota dituzte enpresak emandako arrazoiak, kaleratzeak justifikatzeko arrazoi ekonomikorik edo produktiborik ez dagoela ondorioztatuta.
Halaber, PCB konpainiaren egoera ekonomikoa ez dela hain txarra azpimarratu dute. Ildo horretan, erantsi dute 2019ko laugarren hiruhilekoan "irabaziak" izan zituela aurreko hiruhilekoarekin alderatuta. "Oro har, pandemia aurreko garaian antzeko diru-sarrerak izan zituzten eta, ondorioz, hartutako neurriak gehiegizkoak dira; jarduera eta salmenta maila horrekin onartezina baita lantaldearen bostena kaleratzea", dio ebazpenak.
Gauzak horrela, enpresak bizi duen egoera ekonomikoa pandemiak eragin duela eta, beraz, kaleratze kolektiborik gauzatu ezin daitekeela ebatzi dute epaileek; izan ere, 9/20 legearen arabera, pandemia garaian galarazita dago kaleratzeak egitea arrazoi ekonomikoak edo produktiboak justifikatuz.
Hiru epaileetako batek boto partikularra eman du. Bere ustez, kaleratze kolektiboa "bidegabea" izan dela ebatzi behar zuten, baina ez baliorik gabe utzi.
CCOO sindikatuak pozik hartu du epaileen erabakia eta PCB konpainiako langileek "konpromisoa" azpimarratu du, "mobilizazioetan, negoziazioetan eta bide judizialean eredugarri" izan direla adieraziz.
ELA sindikatuaren esanetan, ebazpenak berretsi egin du langileen ordezkariek hasieratik defendatu dutena: "lan-erregulazio espedienteak ez zuela justifikaziorik eta enpresak pandemiak eragindako egoera baliatu nahi izan duela kaleratzeak egiteko".
Ildo horretan, ELAk gogora ekarri du iazko udan zuzendaritzak 569 langileri ezarritako aldi baterako lan-erregulazio txostena ere baliorik gabe utzi zuela EAEko Auzitegi Nagusiak.
Horrez gain, langileen borroka goraipatu du, kaleratzeak izango zirela jakin zenetik greba mugagabean izan direla nabarmenduta.
ITP Aero taldeak helegitea iragarri du
Bestalde, ITP Aero taldeak "erabateko desadostasuna" agertu du ebazpenaren aurrean eta jakinarazi du bere asmoa helegitea aurkeztea dela.
Konpainiak berretsi egin du lan-erregulazioaren asmoa "PCBren bideragarritasuna bermatzea" zela.
"PCB galera ekonomikoak izaten ari da 2016tik, eta horretarako inbertsio plan bat jarri zuen martxan, baina sektore aeronautikoaren krisiak eta aldaketa estrukturalek ezerezean utzi zuten", erantsi du.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.