Bi langile aurretik eraman ditu luizi batek AHTren obretan, Donostian
Euskal Trenbide Sareak Abiadura Handiko Trenaren (AHT) obretan, Donostian, gertatu den lan-istripu bat ezkutatu duela salatu du gaur EH Bilduk.
Ezbeharra joan den larunbat gauean jazo zen, Martutene eta Astigarraga arteko trenbidean egiten ari diren lanetan, oraindik istripu horri buruzko jakinarazpen ofizialik ez badago ere.
Argitu gabe dauden arrazoiak tarteko, lanak begiratzen ari ziren bi langile aurretik eraman zituen ezustean gertatu zen luizi batek, Unai Fernandez de Betoño EH Bilduko legebiltzarkideak sare sozialetan zabaldutako bideo batean ikusi daitekeenez.
Koalizio soberanistak ohar bidez gaur jakinarazi duenez, "lan-istripuan Construcciones Mariezcurrena konpainiako bi goi-kargudun zauritu ziren, baina haien egoera ez omen da larria".
EH Bilduk gogora ekarri du astelehenean Ernesto Martinez Cabredo Euskal Trenbide Sareko zuzendari nagusia Donostiako udaletxean egon zela, metroaren lanetan antzeman duten azken zuloari buruzko informazioa emateko, baina, hala ere, ez zuela larunbatean izandako lan-istripuaren berri eman.
"Onartezina da Donostian egiten ari den obra guztietan gertatzen diren gorabehera guztiak nahita ezkutatzeko ETSk hartu duen erabakia, bai metro-pasantearen obretan, bai AHTren obretan", salatu du.
"Halaber, gogoratu behar da Construcciones Mariezcurrena metroaren aurreko fasea egiten ari zen aldi baterako enpresen elkarteko kidea dela, eta Easo-Mirakontxa zatiaren kudeaketa txarrean inplikatua dagoela", erantsi du.
Gauzak horrela, EH Bilduk premiazko interpelazioa erregistratu du Eneko Goia alkateak gertakari honi buruzko azalpenak eman ditzan datorren osteguneko osoko bilkuran.
Horrez gain, koalizio soberanistak Iñaki Arriola Garraio sailburuaren agerraldia eskatu du Legebiltzarrean, besteak beste, istripuaren arrazoiak, zauritutako beharginen egoera zein den eta aurrez hartutako segurtasun-neurriak zeintzuk izan ziren argitu dezan.
Zure interesekoa izan daiteke
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.