Euskaltelek agur esan dio Burtsari, MasMovilek erosteko eskaintza publikoa egin ostean
Balore Merkatuaren Batzorde Nazionalak Euskaltelen kotizazioa bertan behera utzi du astearte honetan, merkatuaren itxieran, MasMovilek hala eskatuta. Euskal operadorearen akzio-gehiengodun berriak, horrela, bide-orriari eusten jarraitzen du; tituluetako % 97,66 ditu, eta bere asmoa da Euskaltel azkar uztea merkatuetatik kanpo.
Horretarako, operadoreak nahitaezko salmentaren aukera baliatu du, konpainiaren tituluen % 100 eskuratze aldera, eta, Erosteko Eskaintza Publiko arrakastatsua egin ostean, Burtsatik at uzteko.
Euskaltel 2015etik izan da Burtsan, 2021eko abuztuaren 17ra arte, eta akzioko 10,94 euroko balioarekin utzi dio kotizatzeari, MasMovilek bere eskaintza publikoan egin zuen eskaintzatik (azkioko 11 euro) oso gertu.
Euskaltelek Burtsa utzita, Telefonica da orain Espainiako Estatuko burtsa-merkatuan dagoen telefonia-operadore bakarra; izan ere, MasMovil iaz utzi zuten kanpoan, Cinven, KKR eta Providence funtsek erosteko eskaintza publikoa egin ondoren.
MasMovil azkar hasi da erabakiak hartzen; Kontseilua birmoldatu du, eta Meinrad Spenger kontseilari delegatu izendatu du. Jose Miguel Garcia, orain arte Euskalteleko kontseilari delegatu bera, Kontseilutik irten da, eta konpainiaren kanpo-aholkulari izango da.
Horrez gain, telebista-negozioa Agile TVri saldu dio, 32 milioi euroren truke; horrela, taldearen telebista-zerbitzuak homogeneizatu ditu. Horiek Growthen kotizatzen duen konpainiaren zerbitzua erabiltzen dute jada.
Merkatuak itxi direnean, Euskaltelek Burtsan egin duen sei urteko ibilbidea amaitu da. 2015eko uztailaren 1ean hasi zen Euskaltel Burtsan kotizatzen, titulu bakoitzeko 9,50 euroko prezioarekin. Kutxabankek Euskaltelen akzioen % 49,9 zituen orduan.
Akzioen prezioa hainbat urtez gainbeheran egon ondoren, gora egin du, eta MasMovilek Euskaltel eskuratzeko eskaintza publikoa egin ostean iritsi da 11 eurora akzio bakoitzeko.
Hurrengo urratsa abuztuaren 27an izango da. MasMovilek nahitaezko salerosketa abiatuko du akzioak erosteko eskaintza publiko adiskidetsua onartu ez zuten akziodunen (guztien % 2,3 baino ez) tituluak eskuratzeko. Euskaltelen kapital sozialaren % 100 bereganatuko du horrela.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.