Tubacexeko langileak hitz egiteko prest, enpresak gatazka "benetan" aztertu nahi badu
Tubacexeko ordezkaritza sindikala "mahaian esertzeko prest" agertu da, baldin eta enpresak "gatazkari benetan heldu nahi badio" eta konpainiako enplegu-erregulazioko espedientea baliogabetzat jo zuen epaiaren aurkako helegite judiziala "indarrik gabe" uzta badu helburu.
Langile batzordeak modu honetan erantzun dio gaur goizean Tubacexeko zuzendaritzak egindako proposamenari; zuzendaritzak esan du espedientea baliogabetzat jo zuen epaiaren aurkako helegite judizial horri uko egingo diola langile batzordeak lantegien etorkizuneko bideragarritasunari irtenbidea bilatzeko "negoziatzeko, akordiotara iristeko eta sinatzeko" prest badago. Enplegu-erregulazioko Espediente horrek 129 langile utzi zituen kalean eta EAEko auzitegi nagusiaren sententziak haiek berriro lanean hartzera behartzen zuen.
Tubacexeko langileak mobilizatu egin dira gaur berriro eta enpresak Deion dituen bulegoen aurrean bildu dira, 210 greba egun bete dituzten egunean eta atzo Laudioko eta Amurrioko lantegietan urte amaierara arte lan-erregulazioko espediente berriaren negoziazioa akordiorik gabe amaitu ondoren.
Kazetariei egindako adierazpenetan, Eduardo Ibernia enpresa batzordeko buruak esan du ez duela negoziazio mahaiari berriro heldu zaion berririk, eta azken hilabeteetan sindikatuek proposatu dituztela bilera guztiak.
"Zuzendaritzaren aldetik ez dugu inolako asmorik ikusi", salatu du sindikalistak, eta gaineratu du enpresak "gatazkari heldu eta mahaian eseri nahi badu" prest daudela langileak ere.
"Zer baldintzarekin, ordea? -galdetu du-. Alde guztiak asebetetzen dituen akordio batera iristea bada xedea, gure kasuan, helegite hori indarrik gabe uztea", argitu du.
Batzordearen ordezkariak berretsi du sindikatuek akordio bat nahi dutela helegite hori bertan behera uzteko, "ez da nahikoa helegitea erretiratze hutsa", gaineratu du.
Iberniak azaldu duenez, atzo akordiorik gabe amaitu zen ERTEari buruzko negoziazioan, sindikatuak enpresako "gatazka nagusiarekin lotzen" saiatu dira. "Inori ez zaio gustatzen greban egotea, baina gertaerek horretara garamatzate", gaineratu du.
Gaineratu duenez, "Tubacexeko lantegiak arriskuan daude enpresak enplegu-erregulazioko espediente bat aurkeztu duelako eta beste neurri batzuk negoziatu nahi ez dituelako". Bere ustez, "errua batzordeari botatzeak ez du inolako zentzurik".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.