Eusko Jaurlaritza Tubacexeko krisia desblokeatzen saiatuko da bi aldeek aztertuko duten proposamen batekin
Eusko Jaurlaritzako Lan eta Enplegu Sailak "sintesi" proposamen bat egin du astelehen honetan Tubacexeko lantegien egoera desblokeatzeko, eta zuzendaritzak eta enpresa-batzordeak hori aztertzeko konpromisoa hartu dute.
Tubacexeko zuzendaritzak eta enpresa-batzordeak bilera egin dute astelehenean, Laudioko eta Amurrioko lantegietako lan-gatazkari irtenbidea bilatzen jarraitzeko; izan ere, dagoeneko 222 egun bete ditu grebak.
Joan den ostiralean, bi aldeak bigarren aldiz bildu ziren aste horretan Eusko Jaurlaritzaren egoitzan, eta, joan den asteazkenean eta astelehenean bezala, Elena Perez Lan eta Gizarte Segurantza sailburuordeak parte hartu zuen bertan.
Sailburuordeak "aldeek baloratuko duten" proposamen bat egin zuen atzoko bileran, eta aste honetan beste bilera bat egitea adostu dute, Eusko Jaurlaritzak jakitera emandakoaren arabera.
Enpresa-batzordeak ohar labur batean baieztatu duenez, enpresako atal sindikalek Eusko Jaurlaritzaren proposamena aztertuko dute.
Urte amaierara arte aurreikusitako lan-erregulazioko espedienteari buruzko akordioa lortzeko, batzordeak zuzendaritzari eskatu dio Auzitegi Gorenean helegiterik ez jartzeko, Euskal Autonomia Erkidegoko Auzitegi Nagusiaren epaiak 129 langileren kaleratzeak baliogabetzat jo ondoren enpresak berriro onartu behar dituelako, bere ustez.
Grebari amaiera emateko 2024ra arte enpleguari eusteko konpromisoa hartzea ere eskatu du.
Zuzendaritzak, bere aldetik, esan du soilik uko egingo diola errekurtsoa jartzeari baldin eta langileek Arabako lantegiei etorkizuneko bideragarritasuna emango dien irtenbide bat sinatzea onartzen badute.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.