Euskadiko ekonomiaren hazkunde esanguratsua aurreikusi du Azpiazuk 2022rako
Euskadiko Barne Produktu Gordinaren aurtengo hazkundearen aurreikuspena % 6,7koa izango dela uste du Eusko Jaurlaritzak, baina 2022koa % 6,4koa izango dela uste du, orain arte aurreikusitakoa baino zazpi hamarren gehiago, Pedro Azpiazu Eusko Jaurlaritzako Ekonomia eta Ogasun sailburuak Radio Euskadin egindako elkarrizketa batean azaldu duenez.
Enpleguari dagokionez, aurtengo langabezia-tasa % 10,3koa izango dela iragarri du, baina datorren urterako langabeziak hobera egingo duela esan du, tasa % 9,5ekoa izatea espero baitu.
Hori dela eta, Azpiazuk azpimarratu du Euskadiko ekonomia uste baino azkarrago ari dela hazten, neurri handi batean industriaren eta zerbitzuen hobekuntzari esker, % 9,7 eta % 5,7 inguruko hazkundea izan baitute, hurrenez hurren. "Suspertu egingo gara, eta 2020an galdutakoa irabaziko dugu; pandemiaren aurreko mailara itzuliko gara", iragarri du.
Inbertsioen garrantzia
Espainiako Gobernua aurtengo Europako funtsak banatzeko moduagatik kritikatu ostean, 2022an eta 2023an egingo diren banaketak negoziatu ahal izatea espero du, "bi aldeen irizpideei jarraiki".
Halaber, Azpiazuk azaldu duenez, oraindik banatu ez dituzten funtsak daude, deialdietan oinarrituta banatzekoak. Horren harira, iragarri du Jaurlaritzak bere hautagaitza guztiak aurkeztuko dituela, "ahalik eta baliabide gehien lortzeko".
Ildo horretan, datozen hiru urteetarako inbertsioen garrantzia azpimarratu du Ekonomia sailburuak. "Funtsezko aldagaia da, estrategikoa. Ahalik eta gehien inbertitu nahi dugu; gure konpromisoa da", azaldu du.
Aurrekontuak
Iñigo Urkullu lehendakariak aurreratu zuen Eusko Jaurlaritzaren hurrengo aurrekontuak "inoizko handienak" izango direla. Horren ildotik, Azpiazuk ez du zehaztu zenbatekoa izango den, kopuru hori zehazteko kalkuluak egiten ari baitira, baina igoera garrantzitsua izango dela aurreratu du.
Horiek onartzeko beharrezko babesei dagokienez, aurten ez dutela akordiorik lortu behar azpimarratu du, gehiengo osoa baitute. Hala ere, Gobernuaren asmoa talde ezberdinen helburuez hitz egitea eta horiek ezagutzea dela esan du, "Vox ez beste guztiekin", hurbilketaren bat lortzen duten ikusteko.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.