LABek lana bermatzearen eta 30 orduko lanaldiaren alde egin du
LAB sindikatuak aldarrikatu du Administrazioak herritar ororen enplegua bermatu behar duela, eta egiten ez badu, hilero kalte-ordaina eman beharko lukeela. Horren harira, 30 orduko lanaldia defendatu du.
Igor Arroyo LABen idazkari nagusiaren ondokoak sindikatuaren programa ekonomiko berritua aurkeztu du, lantokietan "borroka egiteko beharra" eta mobilizazio orokorrak jasotzen dituena. Hori horrela, LABek bi manifestazio deitu ditu: irailaren 29an, Bilbon; eta urriaren 5ean, Iruñan.
LABen diagnosiaren arabera, larrialdi klimatikoaren ondorioz "milioika langileren lan-baldintzak okertzen ari dira eta migratzera behartzen dituzte, prekarietateari eta lan esplotazioari mesede eginez".
Sindikatuak berretsi du Europako funtsek sustatzen duten "kapitalismo berdea" deitoratzen duela eta, ekoizpen eta kontsumo ereduen aldaketarekin batera, "trantsizio ekologiko justua" behar dela zerbitzuak eta ondasunak banatzeko.
"Hau da ideia: guztiok gutxiago lan egitea, lehengaien esplotazioa eta zaborraren ekoizpena txikiagoa izateko, behar dena ekoiztu, eta ekoiztutakoa banatu", azpimarratu du idazkari nagusiaren ondokoak.
Hala, LABek trantsizio ekosozialista eta feminista defendatu du, herritarrak eta lur planeta erdigunean jarriko dituen eredura bidean.
"Trantsizio hori burura eramateko, Euskal Herriko herritarrok ekonomiaren gaineko kontrol sozial eta publikoa izan behar dugu. Euskal Herrian estatuaren egiturak behar ditugu ekoizpen eredua aldatzeko eta ekoizpena banatzeko, tartean Euskal Langile Kodea eta Gizarte Segurantza; langileek aukeratutako Langilearen Kontseilua politika publikoetan esku hartzeko; egitasmo nazionala lan mundua euskalduntzeko; eta erakunde publiko nazionala garapen sozioekonomikorako", adierazi du LABen ordezkariak.
LABen proposamena "Banaketa hirukoitza" deiturikoa da, enplegua, zaintza zereginak eta aberastasuna banatzeko: "Administrazioak bermatu egin behar du enplegua herritar guztientzat eta egiten ez badu, kotizatuko lukeen gutxieneko soldataren parekoa eman kalte-ordain gisa hilero".
Gainera, enplegua langile guztientzat bermatzeko, eta zaintza zereginek behar duten lekua izan dezaten, enplegura bideratutako denbora murriztea (30 ordura) eta zaintzari buruzko eztabaida soziala proposatu du.
Zure interesekoa izan daiteke
Hernani, Tolosa eta Lezo etxebizitza-eremu tentsionatu izendatu dituzte
Izendapen horiekin, Euskadin dagoeneko 14 udalerri daude tentsionatuen zerrendan, eta litekeena da laster Arrasate, Zestoa, Pasaia eta Basauri ere gehitzea.
Bi greba egun deitu dituzte Amurrioko Tubos Reunidosen
Amurrioko eta Trapagarango lantegietako beharginen batzordeak Bizkaiko egoitzan bildu dira, otsailaren 9an zuzendaritzarekin egingo den lehen bileraren aurretik jarrera bateratua finkatzeko. Negoziazio mahaiko ordezkaritza adostu dute, baina, lanuzteei dagokienez, Amurrioko plantan bakarrik egingo dira. Trapagarango langileek ez dituzte babestu grebak.
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), eta zilarrak ere bai (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruan zer jarrera hartu erabakitzeko
Enplegu-erregulazio espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.