Nafarroako ekonomia "normaltasunera" bidean da, baina susperraldia ez da homogeneoa
Nafarroako ekonomia "susperraldira bidean" dago, baina itzalekin, hobekuntza ez baita homogeneoa, Elma Saiz Ekonomia eta Ogasun kontseilariak ohartarazi duenez. Horixe berretsi du Mikel Irujo Garapen Ekonomiko eta Enpresarialerako kontseilariak ere, eta gaineratu "lehenengo bagoian" daudela, "baina ez abangoardian".
Adierazpen horiek egin dituzte gaur Iruñean, Laboral Kutxaren txostenaren aurkezpenean, egindako agerraldian. Txosten horren arabera, Nafarroako Barne Produktu Gordina % 6,7 haziko da 2022an (Espainiako Estatuan % 6,5ekoa izango da hazkundea), eta % 6,4 aurten.
Gainera, enpleguak ere gora egingo du, % 4,2 aurten, eta % 4,8 datorren urtean. Prezioei dagokienez, gorakada % 2,3koa izango da aurten, eta % 1,5ekoa 2022an, aurreikuspenen arabera, adierazi du Joseba Madariaga Laboral Kutxaren Ikerketa Saileko zuzendariak, Nafarroako ekonomiaren azken hilabeteetako eta etorkizuneko irakurketa egin duenak.
Testuinguru horretan, eskariaren gorakadaren aurrean, "eskaintza negatiboaren shocka"z ohartarazi du, eskulanaren eskaintzak behera egin duela migrazioaren geldialdiagatik eta herritarren zahartzeagatik.
Madariagaren arabera, osasun egoera ia bere onera etorri da, eta ekonomia oraindik suspertze prozesuan dago, baina arazoekin, hornidura falta (Volkswagen Nafarroako fabrika nagusian, adibidez) eta argindarraren garestitzea kasu.
Hala ere, Nafarroan susperraldia, BPGan, enpleguan eta industria ekoizpenean, Estatuan baino hobea dela azpimarratu du.
Javier Cortajarena Laboral Kutxaren lurraldeko zuzendariak ere hartu du hitza ekitaldian, eta hornidurarekin dagoen arazoak "luze" iraun dezakeela ohartarazi du. Horrekin batera, oinarrizko produktuak "nabarmen garestitu" direla aipatu, baina Next Generationen funts europarrek aukera bat emango dutela goraipatu du.
Hori horrela, Elma Saiz Ekonomia eta Ogasun kontseilariak aitortu du "errealitatea" dela susperraldia, hori diotela datuek, nahiz eta ez den "homogeneoa edo arriskuetatik kanpo dagoena".
Mikel Irujo Garapen Ekonomikorako eta Enpresarialeko kontseilariak, berriz, baikortasun erlatiboa agertu du: "Lehenengo bagoian gaude, baina ez abangoardian". Horregatik azaldu du krisi energetikoagatik enpresei laguntzeko txoke plana horretara bideratuko dutela.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".