Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Begoña Pedrosa Eusko Jaurlaritzako Hezkuntza sailburuak esan duenez, ikasleek kanpotik janaria eraman dezakete eskolara "salbuespenezko egoeren" aurrean, "zuzendariek hala erabakitzen badute", eta hori errespetatzeko eskatu du. Gainera, gatazka konpontzeko "mahaitik ez altxatzea eta akordio batera iristea" eskatu die sindikatuei eta enpresei
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako jana kendu zitzaien ikasleei.
Grebek irauten duten bitartean eskolara elikagaiak eraman daitezkeen galdetuta, azaldu du salbuespenezko egoeretan, ikastetxeko zuzendaritza taldeak baimena eman diezaiekeela familiei "kanpotik janaria ekartzeko, joan den astean bezala".
"Eta hori errespetatu egin behar da. Garrantzitsuena da haur horiei, zuzendaritza taldeak hala nahi izan badu, ogitartekoa jateko edo janaria edukitzeko aukera ematea, ikastetxeak hala erabaki duelako", azpimarratu du.
Begoña Pedrosaren esanetan, Eusko Jaurlaritzaren jarrera ikastetxe bakoitzeko "zuzendaritza taldeak hartutako jarrera" da, eta adierazi du badakitela kasu horietan baimena eman dutela "ogitartekoa ikasgelara eramateko". "Eta uste dut ez garela inor eskubide hori urratzeko", adierazi du.
Bestalde, sindikatuen eta zerbitzua ematen duen enpresaren arteko negoziazioen inguruan, ziurtatu du bi aldeei dagokiela "akordio batera iristea", eta horixe eskatu die.
Bere ustez, "badaude horretarako oinarriak". "Eskatzen duguna da ez daitezela mahaitik altxa akordio bat lortu arte. Akordio batera iristea eta datorren astean familia guztiei ziurtasun hori eman ahal izatea nahi dugu, jantokia izan dezaten".
Haur-ratioen inguruan sindikatuek eskatutako araudi-aldaketaren aurrean adierazi du Saila beti dagoela "hitz egiteko eta negoziatzeko" prest. "Mahai gainean dauden eta dagoeneko hitz egin diren gauzak" direla gaineratu du.
"Sindikatuak jakinaren gainean daude, gaia eta benetan akordiora iristea nahi dugu, hori da eskatzen duguna", adierazi du Pedrosak.
Zure interesekoa izan daiteke
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.