Eskola jantokietako grebak "babes zabala" izan du, sindikatuen arabera
Begoña Pedrosa Hezkuntza sailburuak adierazi du "gutxieneko akordioa" lortu dutela, baina oraindik ere negoziatzen jarraitu behar dutela.
Eskola jantokietako langileen manifestazioa, gaur, Bilbon. Argazkia: EFE
Aste honetan deitutako hiru greba egunetako lehena dute gaur Euskal Autonomia Erkidegoko eskola jantokietan, langileen lan-baldintza "duinak" defendatzeko.
LAB, ELA, CCOO eta UGT sindikatuek 5.000 langile inguru deitu dituzte grebara, eta lehen greba egunak "babes zabala" jaso du, deitzaileen arabera.
"Jangeletan: Lan baldintzak duindu! Hitzarmena, orain” lelopean, langileek manifestazio jendetsua egin dute eguerdian, Bilbon.
Deitzaileen arabera, greba-deialdiarekin aurre egin nahi diete hitzarmen kolektiboaren blokeoari, enpresek dagoeneko itundutako soldata-igoerak aplikatzeari "uko egiteari" eta Eusko Jaurlaritzako Hezkuntza Sailak eskola-jantokien egungo araudia aldatzeko duen "borondate faltari" (horren arabera arautzen dira ratioak, funtzioak eta lanaldiak).
Sindikatuek Mikel Torres Lan eta Enplegu sailburuak "inposatutako" gutxieneko zerbitzuak salatu dituzte, "gehiegizkoak" direla iritzita, baita enpresen jarrera ere; izan ere, langileei jakinarazpenak bidali dizkiete, “borrokarako prest dagoen sektorea desmobilizatzeko”.
"Gutxieneko akordioa"
Eskola jantokietako lan-gatazkari amaiera emateko "gutxieneko akordioa" lortu dutela adierazi du Begoña Pedrosa Hezkuntza sailburuak, baina oraindik ere negoziatzen jarraitu behar dutela esan du.
Gobernu Kontseiluaren osteko prentsaurrekoan, langileen grebarako eskubidea errespetatzen duela adierazi du.
Greba, asteartetik ostegunera
Otsailaren 25ean, asteazkena, elkarretaratzeak egingo dituzte 12:00etatik aurrera Eusko Jaurlaritzako Hezkuntza ordezkaritzetan.
Azkenik, ostegunean, sindikatuek elkarretaratze "masiboa" deitu dute, eguerdian, Eusko Jaurlaritzaren aurrean, Bilbon.
Sindikatuek azpimarratu dutenez, mobilizazio horiek ez dira soilik lan-errebindikazio bat, eskola-jantokiko zerbitzu publikoaren kalitatearen defentsa baizik. Hori dela eta, dei egin diote gizarte osoari protestetan parte har dezan.
Zure interesekoa izan daiteke
Osakidetzako lan-eskaintza berriaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta horietatik, 2.160 berriak izango dira.
Sindikatu eta abokatuek interinoen "finkotasuna" eskatzen dute Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain geldirik dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak finkotasuna ezinbestekotzat jotzen dute. ELAkk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi dutenei Iberiak eskainiko die Panamara joatea, eta handik, uhartera. Habanan dituen bulegoak zabalik izango ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.