Kutxabankek bulego guztiak irekitzea aldarrikatu dute pentsiodunek Legebiltzarrean
Euskal Herriko Pentsiodunen Mugimenduko ordezkariek zenbait eskaera egin dituzte ostiral honetan Eusko Legebiltzarrean, hala nola euskal banku publiko bat sortzea, arreta presentziala mantentzea eta Ganberak Kutxabanki bulego guztiak berrireki ditzan eskatzea.
Mugimenduko bi bozeramailek banku-politiken inguruko aldarrikapenak adierazi dituzte Legebiltzarrean, dagokion lantaldean, eta arreta zerbitzuen digitalizazioa gaitzetsi dute, haien kolektiboak jasotzen duen arreta urritu dela eta.
Eskatu dute bi printzipiotan oinarrituko den banku publiko bat eratzeko: gehien duenari gehiago kobratzea, eta aurrez aurreko arreta mantendu dadila.
Gero eta ez-presentzialago bilakatzen ari den arretaren inguruan, azaldu dute "kezkatuta" daudela, eta ez dutela "gaia alde batera utziko, herritargoaz barre egiten" ari direlako.
Gainera, 65 urtetik gorako pertsonei doako kreditu-txartelak emateko eta banku-komisioak 2015ean kobratzen zituzten kopuruetara beheratzeko eskatu dute. Zentzu horretan, gogora ekarri dutenez, bankuak bezeroei kontu bat irekitzeagatik ordaintzetik, bezeroek euren diruarekin eragiketak egiteko ordaindu behar izatera igaro dira.
Kutxabanki buruz ere hitz egin dute, eta egotzi diote beste bankuek egindako neurrigabeko praktika berdinak egin izana, zoru-klausulei dagokienez, esate baterako. Era berean, legebiltzarkideei esan diete entitate horri itxitako bulegoak berrireki ditzan eskatzeko.
Zure interesekoa izan daiteke
Argindar-konpainien bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako dekretu berriaren arabera, elektrodependente eta zaurgarriei ezingo zaie argindarra eten ordaintzen ez badute ere, eta kontratuak eteteagatik ez da, oro har, zigorrik ezarriko. Halaber, aurreikusten da enpresei zigorrak ezartzea, arauak hautsiz gero.
Ramiro Gonzalez: "Lehen urratsa, zalantzarik gabe, zorra berregituratzea da, eta hor funtsezko zeregina du SEPIk"
Ramiro Gonzalez Arabako ahaldun nagusiak adierazi duenez, Tubos Reunidosen jarraipenak hartzekodunen inplikazio aktiboa eskatzen du, batez ere Estatuko Industria Partaidetzarako Sozietatearena (SEPI). "Enpresak ia bost milioi euro erretzen ditu hilean", nabarmendu du.
Tubos Reunidosen bideragarritasuna bermatzeko "zorra berregituratzea beharrezkoa da", Bengoetxearen aburuz
Euskadi Irratiko "Faktoria" irratsaioan egindako elkarrizketan, Ibone Bengoetxea Eusko Jaurlaritzako lehendakariordeak eta Kultura eta Hizkuntza Politika sailburuak adierazi duenez, zorra berregituratzen Jaurlaritza "bidelagun" izango da.
Vital Fundazioak 10 milioirekin bat egin du Ayesa Digital erosteko euskal partzuergoarekin
Operazioak garai bateko Ibermaticaren erabakigunea Euskadira itzultzea indartzen du, eta Araban enplegu kualifikatua sortzea aurreikusten du.
Pradalesek aliantza politiko berri baten alde egin du, "berrindustrializazioan" Europak "benetako autonomia" izan dezan
'Bilboko Adierazpena' sinatuta amaitu da Leaders Meeting–Fit For The Future goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrez" egindako aldi baterako 146 kontratu atzeman zituen Nafarroako Volkswagenen eta 93 kontratu mugagabe egitera behartu zuen enpresa. ELAk salatu du enpresak oraindik ez duela agindua bete.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, erabakitzeko enpresak iragarritako 301 kaleratzeei nola egin aurre.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzaingaien % 59k gainditu dute psikoteknikoa baremazioa aldatu ondoren
Zupiria sailburuak adierazi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.