Langile bat hil da Ikaztegietan teilatutik erorita
Ikaztegietako (Gipuzkoa) kooperatiba enpresa batean altuera batetik erorita astelehenean lan istripua izan zuen langile bat hil zen atzo, LAB sindikatuak asteazken honetan jakitera eman duenez.
Ohar baten bidez, sindikatuak "elkartasuna" helarazi die biktimaren senide, lankide eta gertukoei, eta hilabeteko epean Hego Euskal Herrian altueratik erorita hil den hirugarren langilea dela gogorarazi du; abenduaren 18an langile bat hil zen Zumaian eta urtarrilaren 10ean beste bat hil zen Gasteizen.
LABek "erantzun instituzional sendoa" behar dela uste du, eta "altuerako lanetarako plan zehatz bat" eskatu du, "neurri egokiekin eta benetako prebentzio-politikekin, bai eraikuntzarako, bai industria-nabeak eta pabiloiak birgaitzeko eta mantentzeko lanetarako".
"Datuak oso gogorrak dira, eta horietako bakoitzaren atzean izenak, familiak eta lagunak daude. Lanetik etxera itzultzen ez diren langileez ari gara", azpimarratu du.
Atzo, gainera, bi behargin larri zauritu ziren, hamar metroko altueratik erorita, El Buston izandako lan istripuan, Nafarroako Gobernuak jakitera eman zuenez. Oraindik ez dute argitu ezbeharra nola gertatu zen.
ELAk Eusko Jaurlaritzari eta patronalari eskatu die prebentzio legediaren jarraipena egiteko
ELA sindikatuak Ikaztegietako lan heriotza deitoratu du eta Eusko Jaurlaritzari eta patronalari eskatu die ezar ditzatela prebentzio legeria betetzen dela kontrolatzeko neurriak.
Sindikatuak ohar batean salatu duenez, lan prekaritatea gero eta handiagoa da, lan-erritmoak, jasanezinak, lanaldiak, amaigabeak, eta sektoreko hitzarmenak eta prebentzio araudiak aldiro urratzen dira.
Hori guztia dela eta, ELAren esanetan ezinbestekoa da osasuna eta bizitza erdigunean jarriko dituzten erabakiak hartzea urtero 50 langile baino gehiago hil ez daitezen.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.