Sindikatuek lan erregulazioa errefusatu dute, Mercedesek % 10eko soldata jaitsiera planteatu duelako
Zuzendaritzak aurkeztutako aldi baterako lan erregulazio espediente berria errefusatu dute Gasteizko Mercedes lantegiko sindikatuek, aurrekoaren baldintzak kaskartzen dituelako. Konkretuki, zuzendaritzak % 10eko soldata jaitsiera planteatu du espediente berrian, aurrekoan bezala pieza hornidura arazoak argudiatuta, CCOOko ordezkari batek eitb.eus-i azaldu dionez.
Enpresa-batzordea eta zuzendaritza bigarren aldiz bildu dira ekainera arteko 30 eguneko lan erregulazio berria negoziatzeko. Abenduaren 31an aurreko espedientea bukatu ondoren, iragan astean berria aurkeztu zieten sindikatuei.
CCOOko ordezkariak zehaztu duenez, enpresak "behin betiko eskaintza" % 10eko soldata jaitsiera batekin aurkeztu du. Zuzendaritzaren esanetan, hornidura arazoek "kostuak areagotzen" dituzte.
2021ean ekoizpen programa murriztu zen pieza hornidura arazoaren ondorioz, eta kostu logistikoek gora egin dute; ondorioz, baldintza berdinak mantentzea bideragarria ez dela argudiatu du enpresak, sindikatuen arabera.
Zentzu horretan, aurreko lan erregulazioan langileek soldataren % 80 kobratu zuten, eta oporren eta ordainsarien % 100; oraingoan soldataren % 70 nahi dute, oporrak eta ordainsariak bere horretan mantenduz.
Espedientea negoziatzeko epea otsailaren 4an bukatzen da. Zuzendaritzak akordio bat lortzea espero du, baina otsailaren 4an kontsulta epea adostasunik gabe amaitzen bada erregulazioa "ordainik gabe" aplikatuko dela ohartarazi du.
Bestalde, UGTk uste du egoera ekonomiko eskasa "ezin dutela langileen soldatek ordaindu". Baldintza horiek aplikatzen baldin badira kolektibo batzuek sufrituko dute, sindikatuak kritikatu duenez.
Egutegia eta datorren asteko ekoizpena
Aldi baterako lan erregulazio espedientea negoziatzeko bigarren bilera egin dute goizean. Batzarrean enpresak jakinarazi du "egun ekoizpena datorren asteko bi egunetan soilik izango dela bermatu daitekeela", UGTk aurreratu duenez.
Hala eta guztiz ere, ez da behin betiko erabakia, eta ostegun honetan baieztatuko dute agiri ofizial batean, "hornidura erakartzeko azken saiakeren" berri ematen dutenean.
UGTren hitzetan, testuinguru honetan "otsaileko hiru larunbat aktibatzea ulertezina da"; era berean, zuzendaritzak ostegun honetan agirian baieztatuko du.
Larunbat horietan lan egitea nahi du zuzendaritzak, aste bitartean lanegunen bat bertan behera geratzen ez bada, proiektu berriak eta aurtengo 158.000 ibilgailuen produkzioa bermatzeko, erantsi duenez.
Ondorioz, osteguneko bileraren zain egon beharko da, datorren aste osoan ekoitziko duten jakiteko.
Erdieroaleen hornidura krisiak geldialdi ezberdinak eragin ditu azken hilabeteetan Gasteizko lantegian. Euskadiko enpresa handiena da; izan ere, 5.000 pertsona ingururi lanpostu zuzena ematen die.
Azken geldialdi garrantzitsua urte bukaeran izan zen, abenduaren 17tik urtarrilaren 3ra arte. Helburua piezak pilatzea izan zen txipen hornidura faltaren aurrean.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.