LABeko hainbat militante Adegiren egoitzan sartu dira, lan erreformaren aurka protesta egiteko
LAB sindikatuko hainbat militante Adegi Gipuzkoako patronalaren egoitzan sartu dira Donostian, ostegun honetarako antolatutako Aldarrikapen Egunaren baitan. Kanpoaldean ere, hainbat kidek elkarretaratzea egin dute. Gipuzkoako hiriburuan ez ezik, eskualdez eskualde beste hamaika ekimen antolatu dituzte.
Horiekin asmo zuten "Madrildik inposatutako lan erreformari ezezkoa ematea". "Egin dezagun posible Euskal Herrian" eta "Lan erreformari ez" leloei eutsita, patronalari eskatu diote lan erreforma errefusatzeko eta enplegu duinaren alde egiteko.
Militante guztiak Adegiren egoitzatik aterarazi dituzte 12:00ak aldera, eta borroka sindikalaren aldeko oihuak lagun irten dira handik, modu baketsuan.
"LABek patronalari esan nahi dio lan erreforma honekin Euskal Herrian ez dela bake sozialik egongo", azaldu du sindikatuak ohar batean.
Mobilizazioaren jarraipena @LABsindikatua twitter kontuan.
"Egoitzan jasandako erasoa" salatu du Adegik
Gipuzkoako Enpresen Elkarteak salatu egin du ostegun honetan LABek bere egoitza "indarrez hartu izana".
Ohar batean, "irmoki gaitzetsi" du LABen goizeko ekintza, patronalaren "jardunean eragina" izan duela arrazoituta. "Etxeko langileengan nahiz formakuntzan ditugun ikasleengan izan du eragina", kritikatu du.
Ildo horretan, azpimarratu du berrogei urte dituela Adegik, eta hastapenetatik erakutsi duela elkarrizketaren bidez akordioak lortzeko jarrera eta gaitasuna dituela. Modu horretan, berretsi du "demokrazian lan aldarrikapenek badituzte defentsarako beste bide batzuk, elkarrizketa soziala eta hitzarmenen negoziazioa, adibidez". Halaber, adierazi du manifestaziorako eskubidea ere badagoela.
Gauzak horrela, iragarri du salaketa jarriko duela gaur goizean "jasandako erasoagatik", eta itxaropena duela gisa horretako ekintzak ez errepikatzeko.
Zure interesekoa izan daiteke
Eusko Legebiltzarrak uko egin dio etxebizitza-edukitzaile handien erregistro bat egiteari
EH Bilduren eskariz eztabaidatu da gaia Osoko Bilkuran. Koalizioaren jatorrizko ekimena baztertu egin dute bozketan, baita Sumarren zuzenketa bat ere; aldiz, EAJren eta PSE-EEren zuzenketa bat onartu da. EH Bilduren proposamenak edukitzaile handien erregistro bat eegitea eskatzen zuen, izan pertsona fisiko naiz juridikoena, Nafarroan edo Katalunian daundenen gisan.
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.