Mertxe Aizpurua: "Lan erreforma babestea Rajoyren legea iraunaraztea litzateke"
EH Bilduk Diputatuen Kongresuan duen eledun Mertxe Aizpuruak esan du lan erreformaren akordioa aldatu ezean, ez diotela inolaz ere babesik emango, "Rajoyren erreforma babestea" litzatekeelako.
Radio Euskadiko 'Boulevard' saioan egin dioten elkarrizketan, Aizpuruak nabarmendu du etengabe ari direla Espainiako Gobernuarekin hitz egiten, zehazki Lan Ministerioarekin, baina oraingoz PSOEk eta Podemosek ez dutela jarrera aldatu.
"Guk oso jarrera argia izan dugu eztabaida hasi genuenetik: edo akordioa aldatzen dute edo ez dugu horren alde egingo", adierazi du.
"Egin diguten proposamenak ez du ezertan aldatzen Gobernuaren, patronalaren eta CC.OO. eta UGT sindikatuen artean adostutakoa. Indarrean dagoen lan erreforma ez indargabetzeko akordioa da. Gure proposamenak, aldiz, zentzudunak dira", zehaztu du.
EH Bilduko bozeramaileak garbi du akordioaren osteko balizko lege proiektuek ez dutela ezer aldatuko, "horrekin ez dituztelako langileak babestuko". "Gaur egungo eta ondorengo belaunaldiei eragingo dien kontu bati buruz ari gara. Neurriak akordioaren ostean badatoz, hainbat gaitan lan erreforma gailenduko da beti. Ezin digu horrek baldintzatu", azpimarratu du.
Azkenik, harrituta agertu da PSOEren eta Podemosen jarrerarekin. "Duela hilabete batzuk lan erreforma indargabetu nahi zuten, eta orain ez. Zer aldatu da?", galdetu du. Horren aurrean, nabarmendu du lan erreformaren garaipena patronalarena eta eskuineko alderdiena dela.
Zure interesekoa izan daiteke
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.