Ibilgailu berrien salmentak % 19 behera egin du urtarrilean, eta soilik 1.396 matrikulazio izan dira Euskadin
Autoen eta lur orotarako ibilgailuen salmentak negatiboan eman dio hasiera urteari Euskadin; izan ere, urtarrilean 1.396 ibilgailu bakarrik matrikulatu dira EAEn, 2021eko urtarrilean baino % 19 gutxiago.
Horrela, ibilgailuen merkatuko salmentek zortzi hilabetez jarraian egin dute behera. Azken igoera 2021eko maiatzean izan zuten.
Orduz geroztik, salmentek atzera egin dute etengabe. 2021. urtea % 18,3ko jaitsierarekin itxi zuen sektoreak.
2022a ez da hobeto hasi; izan ere, matrikulazioek % 19 egin dute behera. Diesel motorra duten autoek beherakadarik handiena izan dute salmentetan. 149 ibilgailu saldu dituzte Euskadi osoan; hau da, 2021eko urtarrilean baino % 58,1 gutxiago.
Era berean, gasolina autoen eta noranahiko ibilgailuen salmentetan ere beherakada nabaritu dute. 632 matrikulatu dituzte, aurreko urteko epe beran baino % 30,3 gutxiago, Anfac, Ganvam eta Faconauto ekoizle, saltzaile eta kontzesionarioen patronalek, hurrenez hurren, jakitera eman dutenez.
Motor elektriko, hibrido eta beste erregai batzuk (hidrogeno eta gasa) erabiltzen dituzten ibilgailuen salmentak, ostera, gora egin du nabarmen. Horrela, 615 ibilgailu saldu dituzte, % 33,4 gehiago.
Bestalde, Espainiako Estatuan salmentek % 1 egin dute gora. Urtarrilean, 42.377 saldu ziren. Hala eta guztiz ere, 2020ko maiatzetik bigarren matrikulazio daturik txarrena da, 2021eko urtarrilean baino 400 gehiago soilik saldu baitira.
Zure interesekoa izan daiteke
Merkantzia garraioko langileek 24 orduko greba egingo dute Nafarroan, hitzarmen berri bat eskatzeko
UGTk, CCOOk, ELAk eta LABek lanuztera dituzte kamioilariak gaur gaueko 22:00etatik asteleheneko 22:00etara. Horrela, sindikatuek presioa egingo dute 17 urtean berritu ez duten hitzarmenaren negoziazioetan aurrera egiteko.
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.
Europako Inbertsio Bankuak 1700 milioirekin finantzatuko ditu Burgos-Gasteiz abiadura handiko trenbideko lanak
Adifen eta EIBren arabera, finantzaketa horrek bultzada "berri eta garrantzitsua" emango dio Iberiar Penintsula Europako gainerako lurraldeekin lotuko duen trenbide bidezko konexioari.
Langile bat larri zauritu da Azpeitian, eraikuntza lanetan ari zela altueratik erorita
Lan-istripua 11:45 aldera gertatu da, Iñaki Azpiazu kalean, eta 44 urteko langilea Donostia Ospitalera eraman dute.
Jaurlaritzak etxejabeentzako aseguru publiko ezartzea bat bultzatu du, erreferentziazko prezioen indizearen araberako alokairuak sustatzeko
Itxaso sailburuak azaldu duenez, Aloka+ programa berriaren bitartez "etxebizitza alokairu-merkatura ateratzeko zalantzak dituzten jabeei segurtasuna eman nahi zaie". Izan ere, aseguru publiko eta doakoa bermatuko zaie etxejabeei, maizterrek ordaintzen ez dutenerako eta kalte materialei aurre egin ahal izateko.
Hil egin da Igantzin traktorearekin istripua izan eta larri zauritu zen gizona
Ezbeharra atzo gertatu zen, 14:08 aldera, Bordako soroan. Gizona traktore txiki batekin ari zen lanean, istripua izan zuen eta ibilgailuak harrapatu egin zuen. Ezbeharraren ondorioz, beharginak zauri larriak zituen.
ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.