Espainiak EBko gas likidotuaren herena pilatzen du, baina zail du Europa hornitzea, konexio faltagatik
Espainia da Europan gasa biltegiratzeko eta birgasifikatzeko ahalmen handiena duen herrialdea, guztizkoaren herena, nahiz eta Europarekin hodi bidezko konexio nahikorik ez izateak kontinentea hornitzeko alternatiba izateko aukerak mugatzen dituen.
Espainiak gas natural likidotua biltegiratzeko gaitasunaren heren bat baino gehiago (% 35) du Europar Batasunean eta Erresuma Batuan, Gas Infrastructure Europe gas-azpiegituretako operadore europarren elkartearen datuen arabera. 26 herrialdetako 67 konpainiak osatzen dute, Erresuma Batua barne.
Bahía Bizkaia Gas, Bilbon, Estatuko gas-sektorean erreferente den gas natural likidotua birgasifikatzeko instalazioetako bat da.
Espainiaren atzetik, Erresuma Batua (% 22), Frantzia (% 14), Belgika (% 6) eta Italia (% 5) daude.
Espainia ere buru da birgasifikazio-gaitasunean, likido-egoeran dauden metano-ontzietan garraiatutako gas natural likidoa iristen den instalazio batzuetan egiten den prozesua.
Bilboko portuan dagoen gas natural likidotua birgasifikatzeko plantak 58 ontzi jaso zituen 2020an.
Gas likidoa zero azpitik 160 gradutan garraiatzen da itsasontzian, instalazioetara deskargatzen da eta prozesu baten bidez tenperatura igotzen da gas-egoerara igaro dadin, ondoren gasbideetan injektatu ahal izateko eta garraiatzeko.
Zehazki, Espainiak EBren birgasifikazio-ahalmen guztiaren % 27 dauka, eta Erresuma Batua da ahalmen handiena duen bigarren herrialdea (% 22). Frantziak % 17 du, Belgikak % 8 eta Italiak % 7.
Birgasifikatzeko eta biltegiratzeko ahalmen handi horri esker, Espainiak lasaiago egin diezaioke aurre, hornidura asetzeko premiei dagokienez behintzat, Errusiak Ukraina inbaditu izanak eragindako egungo krisiari.
Beste bidea Medgaz gasbidea da, Aljeriak zuzenean Penintsulara gasa bidaltzeko erabiltzen duena. Zabaltze hori erabat operatibo egotear dago.
Bahía Bizkaia Gas instalazioa Zierbenako udalerrian Enagasek eta Euskal Energiaren Erakundeak kudeatzen duten gas naturala biltegiratzeko eta birgasifikatzeko zentrala da.
Mapa honetan ikus daitekeenez, Zierbenakoa (Bizkaia) Espainian deskarga gehien jasotzen dituen planta da, eta gas-ontzi gehienak Errusiatik etortzen dira bertara.
Espainiako gas-sistemaren kudeatzaileak, Enagasek, lau birgasifikazio-planta ditu: Bartzelonan, Cartagenan (Murtzia), Huelvan eta Gijonen (martxan jartzeko behin betiko baimenen zain dago), eta Bahia Bizkaia Gas konpainiaren % 50 izateaz gainera, Saggaseko terminalaren % 72,5 dauka, Sagunton (Valentzia). Halaber, Reganosa konpainiak ere Mugardoseko GNL terminala operatzen du Ferrolen (Coruña).
Horrela, Espainia, bai birgasifikatzeko eta biltegiratzeko duen ahalmenagatik, bai Aljeriarekin duen loturagatik, Europako erdialdea gasez hornitzeko beste bide bat izan liteke. Hala ere, badago botila-lepo bat: Pirinioetatik haratago ez du loturarik Europako gas-sistema zentralarekin.
Zure interesekoa izan daiteke
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.