Garraiolarien grebak Bilboko portuko jarduna moteldu du
Hiru sindikatuak eta Nafarroako Garraiolarien Elkarteak (Tradisna) astelehen honetan abiatutako grebak Bilboko portuaren jarduna moteldu du goizean.
Foru Erkidegoan, grebalariak Garraioaren Hirian bildu dira.
Nafarroan ez da aparteko istilurik izan, Foruzaingoak jakitera eman duenez. Piketeak izan dira 08:45 aldera Agustindarren poligonoan eta Correos eraikinean.
EAEn, kamioien karabana batek Donostiako erdialdean ibilbidea egin du, baina Biriatuko mugan ez da arazorik izan.
Erregaien garestitzearen aurrean, Hiruk greba mugagabearekin bat egitea adostu zuen iragan larunbatean ezohiko batzarrean.
Lanuzteaz gain, Hiruk mobilizazio ezberdinak eramango ditu aurrera, horietako bat asteazkenean, Gasteizen. Astearte honetan garraiolariek Iruñean egingo dute mobilizazioa. Kamioi karabana batek Galarretik Iruñarako bidea egingo du asteartean, eta asteazkenean gauza bera egingo du beste batek Langraiz Okatik Arabako hiriburura.
Portuko agintaritzak agiri batean onartu duenez, goizean zehar "geldialdi partzialak" izan dira, "garraio plataformek eraginda, batez ere merkantzian", baina ez du xehetasun gehiago eman.
"Gutxienez 15 egunik edo hilabetean behin garraio tarifak gasolio prezioaren arabera egokitzea", aldarrikatzen du Hiruk.
Jon Altuna Hiruko komunikazio arduraduna eta Iñaki Goñi Tradisnako zuzendaritzako kidea elkarrizketatu dituzte Euskadi Irratiko "Faktoria" saioan, eta salatu dutenez, egoera honetan, "errentagarriagoa da geldirik egotea kamioia arrankatzea baino".
Goñik (Tradisna) aurreikusi du grebak luze jo dezakeela, mobilizazioa deitu duen Espainiako Garraioaren Defentsarako Plataformak egindako "eskaeren zerrenda luzea" delako. Nabarmendu duenez plataformari babesa emateko bat egin dute grebarekin.
Altunaren (Hiru) hitzetan, garraiolarien egoera "oso larria da" eta plataformaren aldarrikapenak eta Hiru sindikatuaren "oso antzekoak" izanik, bat egitea erabaki dute. Esan du abenduko grebaren aurretik Espainiako Gobernuarekin hainbat neurri adostu zituzten enpresek, baina "gerora neurri horiek bete egin behar dira", ohartarazi du.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.