Tapia: "Euskal enpresa ehuna gerraren ondorioei aurre egiteko prest dago"
Arantxa Tapia Ekonomiaren Garapen, Jasangarritasun eta Ingurumen sailburuak gogorarazi du Eusko Jaurlaritza aztertzen ari dela Ukrainako gerraren kaltea jasaten ari diren enpresei laguntzeko neurriak hartzea, eta euskal enpresa ehuna gerraren ondorioei aurre egiteko "prest" dagoela esan du.
Eusko Legebiltzarreko kontrol saioan, Mikel Arruabarrena EAJko legebiltzarkideak Errusiaren inbasioak euskal enpresetan dituen ondorioei buruz galdetu dio sailburuari.
Tapiak nabarmendu du euskal gizartean, ekonomia orokorrean eta industria ehunean Ukrainaren inbasioak eragindako lehen sentsazioa "tristura, amorrua eta kezka" izan zela, eta adierazi du Eusko Jaurlaritzak "hasiera-hasieratik" lan egin duela klusterrekin eta sektoreko eragileekin.
Arantxa Tapiak gogorarazi duenez, Eusko Jaurlaritza neurriak hartzea aztertzen ari da, baina Estatuan eta Europan ere hartu behar direla adierazi du. Hala ere, euskal enpresa ehuna "prest" dagoela esan du. "Gaitasuna dago, teknologia dago eta honetatik ere aterako gara", azpimarratu du.
Sailburuaren ustez, enpresek "lortuko dute, neurri eta laguntza desberdinekin, egoera horri aurre egitea eta lehengo egoerara itzultzea".
Lehengai jakin batzuen eskasia, prezioen igoera eta inflazioa, erregaien elektrizitatearen kontrolik gabeko prezioa, hornidura-kateen haustura eta, oro har, finantza-egoera aipatu ondoren, ohartarazi du "horrek guztiak aldi baterako geldialdiak eragiten dizkiela euskal enpresa batzuei".
Iñigo Urkullu lehendakariak, bere aldetik, EH Bilduk egindako galdera bati eta interpelazio bati erantzun die ostiral honetan, kontrolerako osoko bilkuran, gerra euskal ekonomian eragiten ari den eraginari buruz, erregaien prezioaren igoeraren aurrean, besteak beste.
Lehendakariak adierazi du badakitela "egoera larria" dela ikuspuntu humanitario eta ekonomikotik, eta, horregatik, esan du "aldez aurretik eta gertaeren bilakaerari jarraituz" jokatu dutela, "kaltetutako pertsonekin, elkarteekin, sektoreekin eta enpresekin harreman estuan".
"Hiru aste hauetan ez dugu segundo bat galdu", azpimarratu du. Hala, azaldu du pertsonen babesa izan dela lehentasuna, eta, horrekin batera, erantzun sozioekonomikoa bideratu dela jarduerari eta enpleguari eusteko eta sektorerik ahulenak babesteko.
"Ukrainako egoera, krisi humanitario handi bat izateaz gain, erronka bat da gure ekonomiarentzat, baita munduko ekonomiarentzat ere. Egoera horrek hazkundeari eragiten dio eta inflazioaren gaineko presioa eragiten du", gaineratu du.
Lehendakariak bere hitzaldian adierazi duenez, "Europar Batasunak eta Espainiako Gobernuak hartu behar dituzten premiazko erabakien osagarri izan behar duten" neurriak martxan jartzeko lanean ari dira, "ez gaudelako tokiko arazo baten aurrean, globala baizik".
Pedro Azpiazu Ekonomia eta Ogasun sailburuak ere hitz egin du osoko bilkuran, David Sotok (Elkarrekin Podemos-IU) eskatuta. Hari erantzunez esan duenez, oraingoz ezin da krisi ekonomikoaz hitz egin, baina, aurerratu duenez, euskal ekonomia ez da euskal erakundeek nahi bezain ondo joango.
Zure interesekoa izan daiteke
Abian dira Eusko Jaurlaritzaren hileko 220 eurorainoko laguntzak adingabeak dituzten familia zaurgarrientzat
Gurutze Gorriak kudeatutako eta Europako funtsekin finantzatutako programak laguntza materiala eskainiko die bost kide edo gehiagoko familiei 2026ko abendura arte.
Guztira 3.764 pertsonak eman dute izena Ertzaintzaren 35. promozioko LEPrako
Horietatik 2.383 gizonak dira eta 1.381 emakumeak. Prozesuak, oposizio-fasean, lau fase izango ditu, guztiak derrigorrezkoak eta baztertzaileak.
Euskadik Gizarte Segurantzako afiliazio errekor historikoarekin itxi du 2025a
Hala ere, Euskadiko langabeziaren beherakada joera eten da 107.434 langaberekin, 2024an baino 54 gehiagorekin; Nafarroan, aldiz, 872 pertsonako jaitsiera izan du.
Trumpek petrolioaren merkatua kontrolatu nahi du, adituen arabera
Venezuela munduko petrolio-potentzia izan daiteke laster, nazioarteko enpresei lizentziak emanez gero, Trumpek aurreikusi bezala. Hala ere, urre beltza ez da helburu bakarra; izan ere, Latinoamerikako herrialdeak mineral, gas natural, nikel eta koltan erreserba handiak ere baditu.
Euriborra % 2,267ra igo da abenduan, baina jaitsi egin da urteko bilakaeran, Espainiako Bankuaren arabera
Martxotik izan duen tasarik altuena lortu du urte amaieran. Hala ere, urteko beherakadari esker, urtero berrikusten diren hipoteka aldakorren kuotak merkatuko dira, nahiz eta aurreko hilabeteetan baino apalago.
Autoen salmenta % 16,4 handitu da Euskadin 2025ean, baina dieselen salmentak % 45 murriztu dira
Abenduan, matrikulazioak % 5,7 murriztu dira Euskadin, 2.728 autoraino. Horien artean, 448 gasolina-auto (-%32,9) eta 65 diesel-auto (-%49,2). Beste erregaienak, berriz, % 5,58 handitu dira, 2.215 unitateraino.
Guggenheim Bilbaok 1,3 milioi bisitari baino gehiagorekin itxi du 2025a
Museoak 3.660 bisitari gehiago izan ditu, 2024ko datuekin alderatuta, eta bertaratutakoen % 90 atzerritik etorritakoak izan dira.
Eusko Jaurlaritzak 928.000 euro bideratuko ditu Euskadiko mahastiak modernizatzeko
Dirulaguntzak 105 hektarea baino gehiago berregituratzen eta birmoldatzen lagunduko du, "mahastizaintza- eta ardogintza-sektorearen lehiakortasuna eta iraunkortasuna hobetzeko".
Alokairuko etxebizitzen prezioa % 3,8 igo da Euskadin 2025ean, eta % 5,6 Nafarroan
Azken urtean, alokairuko etxebizitzen hileko errentek gora egin dute Hego Euskal Herria osoan. Nafarroa igo dira gehien (% 5,6), ondoren Bizkaia (% 4,5), Araba (% 4) eta, azkenik, Gipuzkoa (% 1,9). Batez besteko prezioaren koadroan, zerrendak bueltaerdi ematen du eta eta Gipuzkoa dago prezio-gailurrean (16,4 euro/m2); ondoren, Bizkaia (14,7 euro/m2), Araba (12,1 euro/m2) eta Nafarroa (11,1 euro/m2).
Talgok Uzbekistanen duen kontraturik handiena ziurtatu du, 80 milioikoa
Konpainiak hamar urteko akordioa sinatuko du herrialdeko trenbideen enpresa publikoarekin, sei Talgo 250 trenen mantentze integrala egiteko.