Azpiazuk adierazi du Araban, Bizkaian eta Gipuzkoan ez dagoela krisi-ekonomiko arriskurik
Euskal Autonomia Erkidegoan ekonomiaren hazkundea % 4,5ekoa izango da aurten, Eusko Jaurlaritzak aurreikusitakoa baino 2,2 puntu txikiagoa, hain justu ere.
Radio Euskadiko "Ganbara" saioan egindako elkarrizketa batean Pedro Azpiazu Ogasun eta Ekonomia sailburuak esan duenez, Araban, Bizkaian eta Gipuzkoan ez dago krisi ekonomikoa izateko arriskurik, eta azpimarratu du % 4,5eko hazkundea "positiboa" dela.
"Ukrainako gerrak aurreikuspen guztiak aldarazi ditu munduan, eta egoera larria da ikuspuntu humanitariotik", adierazi du. Hala ere, alarmarik ez sortzeko deia egin du, eta berretsi egin du "% 4ko igoera positiboa" dela.
"Erakunde guztiek, Euskadin eta Europan, neurriak modu koordinatuan hartu behar ditugu egoera honi buelta emateko", iritzi dio. Edonola ere, Azpiazuk onartu du susperraldi ekonomikoa Errusia eta Ukrainaren arteko gerraren iraupenari lotuta dagoela. "Ukrainako gerra amaitzea ezinbestekoa da", gaineratu du.
Horrez gain, Europako Banku Zentralak inflazioa kontrolatu behar duela esan du, baina zehaztu du "kontu handiz" egin behar duela. Ildo berean, nahitaezkotzat jo du erregaien eta gasaren prezioen etengabeko igoera gelditzeko neurriak hartzea.
"Denok egin behar ditugu gauzak, bakoitzak bere esparruan, hazkunde-tasak berreskuratzeko, eta premiazko neurriak hartzea beharrezkoa da, baina sakoneko neurriak ere hartu behar dira, eta horiek ezin dira egun batetik bestera hartu", azaldu du.
Bestalde, Azpiazuren arabera, egungo egoera ekonomikoak ez du eraginik izango Eusko Jaurlaritzaren Aurrekontuan.
"Uste dut ez dugula arazorik izango 2022ko Aurrekontuan aurreikusi ditugun inbertsioak gauzatzeko", esan du.
"Inbertsioak egiteko eta herritarren beharrizanei erantzuteko unea da", gaineratu du.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.