Petrolioaren prezioa ia % 5 jaitsi da, AEBk erreserbaren zati bat merkaturatuko duela iragarri ondotik
Petrolio upelaren prezioak % 5 inguru egin du behera, bai Brent upelak baita West Texas Intermediate (WTI) upelak ere. Halaber, gaur bilera egingo dute Lurralde Petrolio Esportatzaileen Erakundeko (LPEE) herrialdeek eta beste petrolio ekoizle batzuek, Errusia buru dutela.
Brent petrolio upelaren prezioa 107,82 dolarrean dago gaur (% 4,96 egin du behera). 15 petrolio mota nahasten dituen hori da Europan erreferente. WTI petrolio upela, AEBrako erreferentzia gisa balio duen erregai arina, berriz, % 4,87 merkatu da, 102,57 dolarrean baitago.
Hala ere, gaur-gaurkoz petrolioaren prezioa oraindik ez da iritsi Ukrainan gerra hasi aurreko balioetara, % 11 garestiago jarraitzen baitu.
Petrolioaren prezioen beherakada horrek zerikusi zuzena izan dezake AEBk egindako iragarpenarekin; izan ere, BBC kateak adierazi du Etxe Zuria Petrolio Erreserba Estrategikoko 180 milioi upel merkaturatzeko aukera aztertzen ari dela. 1974an biltegi hori sortu zenetik liberatuko duen kopuru handiena izango da iragarritako hori.
2021eko azaroan, Joe Biden Ameriketako Estatu Batuetako presidenteak iragarri zuen 50 milioi petrolio upel merkaturatuko zituela herrialdeko Petrolio Erreserba Estrategikoak, eta martxoaren hasieran, berriz, Energiaren Nazioarteko Agentziaren (AIE) Gobernu Kontseilua bildu zen (31 herrialdek osatzen dute), eta larrialdietako erreserbetatik 60 milioi petrolio upel merkaturatzea adostu zuten bertan.
Gaur, bilera birtuala egingo dute LPEEko herrialdeek eta beste petrolio ekoizle batzuek, Errusia buru dutela, egungo egoera aztertzeko.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.