35 urteko langile bat hil da Ondarroan izandako lan istripu batean
35 urteko langile bat hil da Ondarroako etxebizitza eraikin bateko leihoa mozten ari zela, EITB Mediak jakin ahal izan duenez.
Atzo eguerdian aurkitu zuten hildako gizonaren gorpua Itxas Aurre kalean zaharberritzen ari diren etxebizitza batean, baina ez dago argi noiz eta nola zendu zen.
Osalanek ikerketa abiatu du istripua noiz eta nola gertatu zen argitzeko. Itxuraz, leiho baten markoa mozten ari zela lepoan ebakia egin eta hil zen.
Lan ezbeharra larunbatean gertatu zela uste du Osalanek, hildakoak asteburuan lanera joango zela esan omen zielako lankideei. Itxuraz, lanean bakarrik ari zela gertatu zitzaion istripua eta atzo bere lankideak itzuli zirenean aurkitu zuten hilotza.
Enkargatu lanetan ari zen igeltseroak bost hilabete zeramatzan Zero Plus Berrikuntzak enpresan lanean.
ELA, LAB, ESK, Steilas, Etxalde eta Hiru sindikatuek elkarretaratzea deitu dute ostegun honetarako 12:00etan, Ondarroako Itsas Aurre plazan, lan-istripua salatzeko.
ELAk salatu duenez, "dagoeneko 23 hildako izan dira lan-istripuan" Hegoaldean, eta ikerketa bat eskatu du, "gertatutakoa argitzeko eta erantzukizunak garbitzeko".
ELAk gogorarazi duenez, eraikuntza "prekarietateak gehien astindutako sektoreetako bat da, eta ondorioz, ezbehar-kopuru handienetako bat du".
Sindikatu abertzaleak ohartarazi duenez, kasu honetan, "langilea makineria arriskutsuarekin ebakitzen ari zen, asteburuan eta bakar-bakarrik; soilik bost hilabete zeramatzan lanean enpresan. Istripuaren unean ez zuen inolako babesik, horregatik hil eta egunetara aurkitu dute".
"Prekarietateak suposatzen duenaren beste adibide deitoragarri bat da", salatu du sindikatuak. "Ezbeharren arrazoiak sobera ezagunak dira, premiazko neurriak beharrezkoak dira", azpimarratu du.
Bestalde, LABek ohartarazi duenez, "aurten eraikuntzako zortzi behargin hil dira". "Langileak aparteko orduak sartu behar dituzte; gainera, larunbatean, eta astean ordu kopuru izugarria egin", erantsi du. "Nekea arrisku faktore bat dela jakinda, nork kontrolatzen du arrisku hori?", galdetu du.
Testuinguru honetan, Iñigo Urkullu lehendakaria, "patronalaren eskutik helduta, absentismoaren aurka" agertzea kritikatu du LABek. "Laneko hilketen aurka noiz azalduko da?", galdegin dio.
Albiste gehiago ekonomia
LABek "eskandalutzat" jo du gutxieneko soldata propioaren proposamenari Jaurlaritzak ezezkoa eman izana
Bestalde, ELA sindikatuak jarrera aldatzea eskatu dio Eusko Jaurlaritzari, "behingoz autogobernuaren eta zerbitzu publikoen defentsa" egin dezan.
Lanbidearteko gutxieneko soldata propioaren proposamenak "adostasun soziala eta politikoa eskatzen du", Torresen iritzian
Mikel Torres Eusko Jaurlaritzako Ekonomia, Lan eta Enplegu sailburuak "zuhurtzia eta adostasuna" eskatu ditu "edozein egiturazko aldaketari aurre egiteko orduan". Euskadik lanbide arteko gutxieneko soldata propio bultzatzen zuen Herri Ekimen Legegilea ez da Eusko Legebiltzarrean izapidetuko, Eusko Jaurlaritza kontra agertu ostean.
Europa Ligako finalak 52 milioi euroko eragin ekonomikoa izan du EAEko ekonomian
Pasa den maiatzean Bilbon jokatutako finalaren inpaktuari buruz Ikertalde taldeak egindako txostenaren arabera, ekitaldiak ia 30 milioi euroko ekarri ditu EAEra, eta Barne Produktu Gordinean eragin zuzena du.
Gipuzkoako Foru Aldundiak eskatu du AHTaren zundaketak egiteko "serio, garden eta zorrotz" jokatzea
Eider Mendoza Gipuzkoako ahaldun nagusiak berriz adierazi du "berebiziko garrantzia" duela 'Euskal Y'-aren eta Nafarroako AHTaren arteko lotura Ezkio-Itsason egitea. AHT Gelditu kolektiboak zulaketa-lanak egiten ez laguntzeko eta inolako baimenik ez emateko eskatu die Beasain, Idiazabal, Ataun (Gipuzkoa) eta Bakaikuko (Nafarroa) udalei.
Jaurlaritzak geldiarazi egin du gutxieneko soldata propioari buruzko ekimena, eta Estatuaren eskuduntzak "urratzen" dituela azpimarratu du
Eusko Jaurlaritza hainbat sindikatuk proposatutako Herri Ekimen Legegilearen aurka agertu da. 140.000 pertsonak sinatu eta babestu dute, Euskadin lanbidearteko gutxieneko soldata propioa ezartzeko beharrezko eskumenak izan ditzan. Beraz, proposamena bertan behera geratuko da eta ez da Eusko Legebiltzarrean izapidetuko.
Lorpenek aktibo jarraituko du Etxalarren, langile ohiek osatutako Artain25i saldu ondoren
Nafarroako Artain25 SL sozietateak, enpresa bereko langileek osatua, Lorpen enpresaren ekoizpen-unitatea erosi du 400.000 euroren truke, eta Etxalarko 28 lanpostuak eta industria-jarduera mantentzeko konpromisoa hartu du.
Albiste izango dira: Steel Tech kongresua, Sarkozy espetxera eta Danok Oteiza elkartearen aurkezpena
Gaurkoan Orain-en albiste izango direnen laburpena, bi hitzetan.
Santanok baieztatu du Aralar gurutzatuko ez duen AHTaren bide berri bat aztertuko duela Ministerioak
Euskal Y-a Nafarroako trenbidearekin lotzeko hirugarren aukera bat aztertzea erabaki du Estatuko Gobernuak eta horren bideragarritasuna jakiteko zulaketa-lanak egingo dituztela baieztatu du Santanok. 2026ko udaberrirako informazioa guztia esku artean izatea espero du, erabaki bat hartu ahal izateko.
Eusko Jaurlaritzak eta Poloniako Gobernuak Europaren autonomia estrategikoa bultzatzearen alde egin dute
Astelehen honetan Bilbon egin duten Euskadi-Polonia Foroan aztergai izan dute, besteak beste, itsasoko energia eolikoan eta teknologia garbietan lankidetzan aritzea, baita teknologia aeroespazialetan eta azpiegitura adimendunetan eta logistikoan ere.
Diru-sarrera txikienak dituzten autonomoen kuotak izoztea proposatuko du Gizarte Segurantzak, 2026rako
"Ministerioa lantzen ari den proposamena egiteko kolektiboari entzuten ari zaio, eta datorren urterako lehenengo hiru kuotak izoztea dakar", adierazi du Elma Saizek, Gizarteratze, Gizarte Segurantza eta Migrazio ministroak.