Sindikatuek greba mugagabea deitu dute urtarrilaren 27tik aurrera eta asteartero Osasun Ministerioari profesional guztientzako Esparru-Estatutua eskatzeko
Mahaiak Osasun Sistema Nazionaleko langile guztien lan-baldintzak hobetzea du helburu, sanitarioena eta ez sanitarioena, "salbuespenik gabe, pribilegiorik gabe eta distortsiorik gabe". Ministerioa sindikatu mediku batzukein Estatutua paraleloan negoziatzen ari dela kritikatu dute.
Esparru-estatutuaren negoziazio eremuko sindikatuek (SATSE-FSES, CCOO, UGT, CSIF eta CIG-Saude) greba mugagabea egitera deitu dituzte Osasun Sistema Nazionaleko langileak urtarrilaren 27tik aurrera, eta asteartero, "beharrezkoa den bitartean".
Hala aurreratu du Begoña Ballell UGT Zerbitzu Publikoetako Osasun Sektoreko Estatuko idazkariak prentsaurreko batean. Bertan, erakunde horiek salatu dute Monica Garcia Osasun ministroak ez duela asmorik "langile guztientzat bidezkoa, baliagarria eta onuragarria den akordio batera iristeko, salbuespenik eta kolektibo profesionalen arteko pribilegiorik gabe".
"Erantzunik eza eta ministerioen paralisia itzulerarik gabeko bide batera bultzatzen ari dira Osasun Publikoa", kritikatu du. "Aurrerapausorik ez emateaz gain, oztopatu eta luzatu egin du negoziazio prozesua, negoziazio eremutik kanpoko erakundeekin prozesu paralelo bat mantenduz eta elikatuz, Osasun Sistema Nazionaleko estatutupeko langileen % 100 ordezkatzen dugunoi entzungor eginez", aurpegiratu dio Ballellek.
Osasun arloko sindikatuek (horien artean, medikuen sindikatuek Osasun eta Hezkuntza Sindikatuen Federazioaren -FSES- bidez baino ez dute ordezkaritza) ministroaren "leialtasun eza" kritikatu dute, CESM eta SMA sindikatu medikoekin negoziazio "paraleloak" egiten ari delako.
Aipatzekoa da azken sindikatu horiek, datorren astean lau eguneko greba deitu dutela, baina esparru-estatutuaren kontra, medikuek estatutu horretatik at, aparteko hitzarmen bat merezi dutela uste dutelako.
Aurrerabiderik ez negoziazioan
Balellen arabera, duela ia hiru urte prozesua berriro ireki zutenetik, azaroaren 6an izan zuten azken bilera eta ordutik erakundeek ez dute izan testuan aurrerapenik izan den berririk, komunikabideek helarazi dietenaz harago.
"Lege baten negoziazioak luke berez denbora hori guztia behar, baina Ministerioaren jarrera desleiala da negoziazioaren eremuarekiko", esan du Laura Villaseñor Satseko presidenteak.
Mahaiak Osasun Sistema Nazionaleko langile guztien lan-baldintzak hobetu nahi ditu, sanitarioenak eta sanitarioak ez direnenak, "salbuespenik gabe, pribilegiorik gabe eta distortsiorik gabe", baina Osasun Ministerioak "ez du ezer argirik esaten erretiro aurreratuaz, birsailkapen profesionalaz edo 35 orduko lanaldia bezalako gaiez".
Villaseñorrek onartu du greba bat ez dela inoiz "inorentzat atsegina", baina "negoziazioaren egoerak eta garapenak" erabaki hori hartzera behartu ditu.
Zure interesekoa izan daiteke
Mahai Sektoriala uzteko mehatxua egin du UGTk Osakidetzak medikuei "tratu pribilegiatua" ematen dien "ezkutuko estatutua" bultzatzen badu
UGT izan da astelehen honetan aurkeztuko den proposamenari erantzun dion lehen sindikatua, nahiz eta aurreko batzuetan Osakidetzan ordezkaritza duten beste erakunde batzuek ere kritikatu izan duten medikuei ematen zaien "mesede-tratua".
Guardien eta soldaten sisteman hobekuntzak jasotzen dituen akordio-proposamena aurkeztuko du Osakidetzak astelehenean
Euskadiko Medikuen Sindikatuak positibotzat jo du proposamena, baina irailerako aurreikusitako greba mugagabearen deialdiari eutsi dio, Osasun Ministerioarekin ez baitago adostasunik Estatutu Marko propioaren inguruan.
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.