Portugalek iragarri duenez, gasaren prezioari muga jartzeko iberiar proposamena onartu du Europako Batzordeak
Antonio Costa Portugaleko lehen ministroak gaur iragarri duenez, gasaren prezioari muga bat jartzeko, iberiar proposamenari oniritzia eman dio gaur Europako Batzordeak. Portugal eta Espainia lanean ari dira, legedia astearte honetan bertan onartu ahal izateko, erantsi du. Europako Batzordeko bozeramaile batek, ordea, oraindik erabaki formalik ez dela hartu esan du.
"Gasaren igoerarekin argindarraren prezioa kutsatzea saihesteko, Portugalen eta Espainiaren proposamena onartu du Europako Batzordeak gaur goizean. Neurri oso garrantzitsua da", adierazi du Costak Estrasburgon (Frantzia).
"Legedia nola onartu, Espainiako Gobernuarekin lankidetzan, aztertzen ari gara une honetan, eta bihar onartu ahal izateko ahalegin guztiak egingo ditugu", gaineratu du.
Portugaleko gobernuburuak gogorarazi duenez, Espainian Ministroen Kontseilua asteartean bildu ohi da, eta Lisboako Exekutiboak egun berean egiteko asmoa du.
"Ezohiko kontseilua egingo dugu neurria onartzeko, eta Iberiar Penintsula osoan aldi berean sartuko da indarrean", azaldu du.
Trantsizio Ekologikorako Ministerioaren iturriek baieztatu dutenez, Bruselaren oniritzia jaso ondoren, "Ministroen Kontseilura bihar edo lehenbailehen eramateko lanean ari dira".
"Nahiz eta oraingoz erabaki formalik ez hartu, Batzordea Espainiako eta Portugaleko agintariekin harremanetan dago, neurriaren diseinua zehazteko", azaldu du Europako Batzordeko bozeramaile batek.
Neurri teknikoaren zirriborro bat "orain dela gutxi" jaso du EBko Exekutiboak, "xehetasun garrantzitsu askorekin". Hala ere, gaurdaino "aurretiazko balorazio bat" soilik partekatu izan dutela ziurtatu du Europako Batzordeko bozeramaileak.
"Oraindik informazioaren zain gaude, eta jakinarazpen formalean jasotzea espero da, laster. Batzordearen helburua erabaki sendo eta legala lehenbailehen hartzea da", zehaztu du bozeramaileak.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.