Argindarra merkatzeko gasaren prezioa 30 eurora mugatzea proposatu dute Espainiak eta Portugalek
Espainiako eta Portugalgo gobernuek aurretiazko proposamen bat aurkeztu diote Europako Batzordeari gasaren erreferentziazko prezioa 30 euro MWh izateko, elektrizitatearen prezioa merkatze aldera.
Hala baieztatu du Teresa Ribera hirugarren presidenteorde eta Trantsizio Ekologikorako ministroak El Bierzo eskualdera (Leon) egindako bisitan.
Riberak argi utzi du bi gobernuek batera egindako proposamena dela eta Europako agintariekin negoziatu behar dela.
Pedro Sanchez Espainiako Gobernuko presidenteak astelehenean iragarri zuen aste honetan bertan Espainiak eta Portugalek gasaren erreferentziazko prezio bat ezartzeko "salbuespenezko eta aldi baterako" neurri bat aurkeztuko ziotela Bruselari, ostiraleko Europako Kontseiluan bi herrialdeetako elektrizitatearen prezioak merkatzeko salbuespen bat lortu ondoren.
Sanchezek azpimarratu zuenez, neurri horrek "ez du esan nahi gasa diruz lagundu behar denik, ez ditu berriztagarrientzako pizgarriak eta herrialdeen arteko fluxu elektrikoak hausten", eta Espainiak eta Portugalek "elektrizitatearen prezioak nabarmen jaitsiko dituzte berehala", Europako elektrizitatearen merkatua "desitxuratu" gabe.
"Ziur nago Europako Batzordearen onarpena oso epe laburrean izango dela, eta hurrengo egunean Estatuko Aldizkari Ofizialean onartuko dela, herritarren argiaren fakturetan berehalako ondorioekin", azpimarratu zuen.
Sanchezek asteazken honetan Diputatuen Kongresuan azaldu zuenez, neurri horren kostua energia-sistemak berak hartuko luke bere gain, hau da, ez du ez diru-laguntzarik ez laguntza publikorik ekarriko.
Zure interesekoa izan daiteke
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.