Gipuzkoa Merkatariak: "TicketBai sistema tokiko merkataritza digitalizatzeko aukera bat da"
Julen Maiz Gipuzkoa Merkatariak federazioko presidentearen esanetan, TicketBai "digitalizazioaren bidez merkataritzaren zerbitzuak modernizatzeko" aukera bat da, eta gaineratu du bere bazkideak trebatzen ari direla ahalik eta ondoen egokitzeko azaroaren 1etik aurrera tiket digitalera. Sistema horren bidez, fakturak jaulkitzen diren unean online iristen dira Ogasunera, iruzurraren aurka borrokatzeko bitarteko gisa.
Une honetan Federazioko bazkide bakoitzarentzat irtenbiderik onena bilatzea eta merkatariek sistemara egokitzeko izan ditzaketen arazoak antzematea dira Gipuzkoa Merkatariak Federazioaren kezka nagusiak.
Maizek adierazi duenez, "saltoki batzuk TicketBai erabiltzen ari dira jada, beste batzuk prest daude eta gainerakoak azaroaren 1a baino lehen sisteman sartzeko zain daude". Horrela, Federazioaren azken gestioak TicketBai emititzeko araudi berrira datafonoak egokitzen ari diren finantza-erakundeen irtenbideak aztertzera bideratuta daude.
Amaitzeko, Maizek esan du Gipuzkoa Merkatariak taldeari gustatuko litzaiokeela Bizkaiak ere TicketBairen neurria 2022ko ekitaldian egitea, eta ez 2024ko urtarrilean, aurreikusita duten bezala. "Bidezkoena izango zatekeen, nahiz eta jakin badakigun Bizkaiko Ogasunak 2024tik aurrera eskatzen duen konplexutasun-maila handiagoa dela, gastuen eta diru-sarreren kontzeptuak kontrolatzea eskatuko baitute".
Gainera, gogorarazi du Federazioak sei hilabeteko atzerapena negoziatu zuela Ogasunarekin TicketBai indarrean sartzeko, 2022ko maiatzaren 1etik 2022ko azaroaren 1era hain zuzen. Era berean, nabarmendu du negoziazioari esker, Ogasunak TicketBai betetzeko betebeharretik salbuetsita utziko dituela 60 urte beteta dituzten eta langilerik ez duten merkatari guztiak, besteak beste.
Iruzur fiskalaren aurkako borroka
TicketBAI hiru foru ogasunek eta Eusko Jaurlaritzak gidatutako proiektua da, eta iruzur fiskalaren aurka borrokatzea du helburu. Betebehar legal eta tekniko batzuk ezartzean datza, eta horiek, funtsean, fakturazio-software bat erabiltzera behartzen dituzte Euskadin jarduera ekonomiko bat egiten duten pertsona fisiko eta juridiko guztiak.
TicketBAIk aukera emango die foru-ogasunei eskualdean jaulkitzen diren faktura guztien jarraipena egiteko, batez ere eskudirutan kobratzen diren jardueren fakturen jarraipena egiteko. Jarraipen horretatik lortzen den informazioa zergadunei beren zerga-betebeharrak betetzen laguntzeko erabiliko dute.
Zure interesekoa izan daiteke
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.