Nafarroako Parlamentuak argi berdea eman dio Foru Administrazioan ia 3.600 lanpostu egonkortzeko dekretuari
Nafarroako Parlamentuak baimena eman dio Foru Administrazioan ia 3.600 lanpostu egonkortzeko dekretuari, baina lege proiektu gisa tramitatzea onartu du Gobernuak, EH Bilduk hala eskatuta. Gobernuaren arabera, egun dagoen % 43ko interinitatea % 13raino jaitsiko litzateke.
Maria Chiviteren gobernuak EH Bildurekin adostutako abstentzioari esker egin du aurrera. Dena dela, plaza kopurua eskasa dela diote EH Bilduk bezala, Geroa Baik, eta dekretuaren kontra bozkatu duten Navarra Sumak eta Izquierda-Ezkerrak. Beraz, egonkortze prozesua hobetze aldera, Nafarroako Gobernuak lege proiektu gisa tramitatzea onartu du.
Javier Remirez Nafarroako Gobernuko presidenteorde eta bozeramailea akordiorako prest agertu da: "Eskua luzatuta jarraituko dugu, eta testu hau hobetzeko prest gaude", azaldu du.
Dekretuaren arabera, 3.589 lanpostu egonkortu lirateke Foru Administrazioan, horietatik % 80 meritu bidez eta, % 20, berriz, oposizio-lehiaketa bidez. Gobernuaren arabera, egonkortze prozesuarekin gaur egun Foru Administrazioan % 43koa den interinitatea % 13raino jaitsiko da.
Zure interesekoa izan daiteke
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Tubos Reunidos eta Maderas de Llodio enpresetako langileei babesa adierazteko mobilizazio jendetsua egin dute
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.
Albiste izango dira: Medikuen greba, Tubos Reunidos eta Maderas de Llodio enpresetako langileen mobilizazioa, eta Eusko Legebiltzarreko kontrol saioa
Orain.eus atarian gaur albiste izango direnen laburpena, bi hitzetan.
Langile talde batek Metal Group erosi eta Legutioko planta salbatu nahi du
Duela aste batzuk, enpresak itxi zuen, bezero nagusiak bere piezak erosteari utzi eta Txinan erostea erabaki ondoren.
Sidenorren otsailaren 10eko erregistroa baliogabetzeko eskatu dio Jainagak Espainiako Auzitegi Nazionalari
Espainiako Polizia Nazionala Basauriko Sidenorren egoitzara sartu zen Israeli altzairua saltzeagatik egindako ikerketari buruzko informazioa biltzeko.