Alemaniako ekonomiaren bilakaerak Euskadin izango duen eragina "saihestezina" dela uste du Tapiak
Alemania Europako ekonomiaren motore garrantzitsuenetakoa da. Horregatik, Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak adierazi du Euskadin "oso adi" egon beharko dugula Alemaniako ekonomiaren eta industria-jardueraren bilakaerarekin, horrek EAEko ekonomian izango duen eragina "saihestezina" izango delako.
Tapiak egin duen bidaia Alemanian "zalantza eta kezka handiko" unean egokitu da. Ukrainaren inbasioak, segurtasun energetikoak eta inflazioak "ziurgabetasun kezkagarria" sortu dute arduradun politiko eta enpresaburuen artean.
"Ziurgabetasunez betetako nazioarteko testuinguruan bagaude ere, kontsultatutako Alemaniako enpresa handiek hazkunde-aurreikuspenei eusten diete eta Euskadiko ekoizpen-planten aldeko apustua egiten dute", ziurtatu du Sailak ohar batean.
Arantxa Tapia amaitu du Alemanian astelehenetik ostiralera egin duen enpresa-misioa. Bertan, Euskadin ekoizpen-plantak dituzten multinazional nagusietako zuzendariekin bilerak egin ditu eta egoitza nagusiak bisitatu ditu.
Konkretuki, Trumpf (Ditzingen), Siemens Energy eta Bayer (Berlin) taldeetako ordezkariekin biltzeko aukera izan du, baita Mercedes (Stuttgart) taldearen egoitza nagusian izandako topaketarekin ere, Iñigo Urkullu lehendakaria bertan zela.
Euskadin erreferentzia berezia duten sektoreetan aritzen diren lau enpresek (makina-erreminta, energia, automobilgintza eta biozientziak) "berretsi egin dute, beraz, Euskadiren aldeko apustua", Sailak erantsi duenez.
Bestalde, sailburuak, Mikel Amundarain Industriako sailburuordearekin batera, DLR Lampoldshausen Institutua – Espazio Propultsioko Institutua eta hidrogenoaren ekoizpenean ikerketa aurreratuko zentroa – ezagutzeko aukera izan du, baita Festo enpresa ere, ia 100 urteko historia duen familia-enpresa independentea.
Festo automatizazio eta prestakuntza teknikoko tekniken mundu mailako fabrikatzaile liderra da, ekoizpen adimendunera bideratuta, adimen artifizialaren eta ikaskuntza automatikoaren aldeko apustuaren bidez.
Eusko Jaurlaritzako ordezkariek networking-topaketa batean parte hartu zuten Bavarian bizi diren 30 bat euskal profesionalekin. Horien artean, Airbus, BMW, Maier, Orona, Fagor Ederlan, Arteche, Amazon eta Schaeffler enpresetako ingeniariak eta hezkuntza eta osasun sektoreetako profesionalak.
Azkenik, Elorrion egoitza duen Tekniatalde multinazionalak Stuttgartetik gertu dagoen Forschner PTM GmbH konpainia alemaniarra erosi duela iragarri du. Aurrerantzean Teknia Stuttgart izena izango duen enpresa gama altuko osagaietarako barra mekanizatzen espezializatuta dago, eta instalazio horrek garrantzi berezia izango du etorkizuneko ibilgailu autonomoetan.
Zure interesekoa izan daiteke
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.