Tapia: "Mercedesen, beste lantegi batzuetan bezala, garaiei egokitu beharko zatzaizkie, malgutasunez"
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak nabarmendu duenez, lehendakariak ez zuen Gasteizko Mercedesen hitzarmenarekin dagoen gatazka aztertu atzo multinazional alemaniarraren arduradunekin egindako bileran, baina, hori gorabehera, aitortu du Mercedesen, "beste lantegi batzuetan bezala, beste modu batzuk" egon beharko direla lan egiteko, "malgutasunez, garaiei egokituta, pandemian gertatu den bezala".
Alemanian da egunotan sailburua, eta bertatik erantzun die Euskadi Irratiko "Faktoria" saiotik egin dizkioten galderei.
Bihar Siemens Energy konpainiako arduradunekin batzarra du Tapiak, multinazionalak Siemens Gamesa erosteko eskaintza egin duen honetan. Horren harira, azaldu du asmoa dela Euskadin hasitako elkarrizketari "jarraipen bat ematea". Horren ustez, "erlazio zuzen bat behar dugu (...) gure ekosistema ondo ezagut dezaten eta ondo zehaztuta gera dadin".
Bestalde, Europako Parlamentuak gasa eta energia nuklearra energia jasangarritzat jotzearen erabakia babestu du Tapiak. Arrazoitu duenez, "Ukrainaren inbasioaren ondotik eta Errusiari jarri zaizkion isunak tarteko, gasa ez dago ziurtatuta" eta horrek "ondorio handiak" izango ditu ez bakarrik etxeetan baizik eta enpresa handietan ere, eta "ekonomian beste kolpe bat" emango du. Hala, "2030erako helburuak ondo finkatuta ditugula, malgutasun pixka batekin jokatu behar da, errealismotik abiatuta". Izan ere, sailburuaren esanetan, "kontziente izan behar gara orain ezinbestekoa dugula gasa eta energia berriztagarriak ez direla egun batetik bestera sortzen".
Azkenik, aitortu du "arduratuta" daudela inflazioak udazkenean ekonomia eragin ditzakeen ondorioak direla eta. "Gaur ez dugu ikusten, inbertsioek aurrera jarraitzen dute, langabezia tasa behera doa, eta oro har, sentsazio positiboak ditugu", erantsi du, baina uda ostean ziurgabetasuna handiagoa izango dela ohartarazi du.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.