Energia horniduran etenak gertatu daitezkeela eta prezioek gora egin dezaketela ohartarazi du Urkulluk
Iñigo Urkullu lehendakariak adierazi du "garai zailak" datozela, eta, horrenbestez, "esfortzu handiagoa" beharko dela "energia aurrezteko" eta "berriztagarriak ez diren energia iturrien dibertsifikazioan". Horren ildotik, ohartarazi du Ukrainako gerraren ostean etorkizunean "energia horniduran etenak" gertatu daitezkeela eta "prezioek gora" egin dezaketela.
Lehendakaria Antonio Brufau Repsoleko presidentearekin bildu da arratsaldean Repsol Fundazioaren eta Eusko Jaurlaritzaren artean kolaborazio akordioa sinatzeko. Ekitaldian Arantxa Tapia Ekonomiaren Garapenerako sailburuak ere hartu du parte.
Urkulluren esanetan, Jaurlaritzaren eta Repsolen arteko lankidetza "aspalditik errotuta" dago, eta gogorarazi du bi aldeek zenbait proiektutan hartu dutela parte berriki, hala nola BH2C hidrogeno korridorean eta Bilboko Portuko deskarbonizazio Hubean.
"Bidea diseinatuta dago. Lankidetza konpromisoak eta asmoak irmoak dira", nabarmendu du lehendakariak.
Agintariak azaldu duenez, Ukrainako gerraren "eragin ekonomikoak" nabariak dira, eta "Europa osoa, bereziki Alemania, eta motor diren beste zenbait herrialde" adi jarraitzen ari dira Errusiako gasarekin eta erregaiarekin zer gertatuko den.
"Etorkizunean baliteke etenak gertatzea energiaren horniduran, eta prezioek gora egitea; hori da errealitate gordina", aitortu du.
Albiste gehiago ekonomia
Basauriko Serveo enpresako langileek greba bertan behera utzi dute negoziazioek jarraitzen duten bitartean
Basauriko Serveo enpresako langileek bertan behera utzi dute astelehenerako iragarrita zegoen greba, 39 langileetatik 22 kaleratzea aurreikusten duen EREaren inguruan enpresarekin negoziazio berriak hasi ostean.
EAEko esportazioek % 0,7 egin dute behera urteko lehen seihilekoan
Guztira, Euskadik 15.716,9 milioi euro esportatu ditu ekainera arte, aurreko urteko epe berean baino 109,5 milioi gutxiago. Esportazioek behera egin arren, 2.113 milioi euroko merkataritza saldo positiboa izan da.
Gutxieneko pentsioak Euskadin gutxieneko soldataren pareraino osa daitezen eskatu dute pentsiodunek Bilbon
Ibilbidean zehar, honako leloak oihukatu dituzte: "Legebiltzarkideak, Herri Ekimen Legegile hau onartu behar da", "Gutxieneko pentsioa, gutxieneko soldataren pare" edo "Egoitzei arreta gehiago". Izan ere, Euskal Autonomia Erkidegoan (EAE) gutxieneko pentsioak Langileen Gutxieneko Soldataren (LGS) pareraino osa daitezen eskatzen dute pentsiodunek.
Eusko Jaurlaritzak atariko administrazio-baimena eman dio Arabako Erriberabeitiko 'Beitia' planta fotovoltaikoari
Proiektuak 7.000 panel baino gehiago aurreikusten ditu 4 MW sortzeko.
Euskadiko hotelen eta landetxeen batez besteko okupazioa % 90ekoa izan da abuztuko lehen hamabostaldian
Gelditzen den uda sasoiari begira ere, oro har, baikor mintzatu dira ostatuetako arduradunak.
BetiON zerbitzuan grebaren jarraipena % 85ekoa izan da, sindikatuen arabera
Langile batzordeak eskatzen du uztailaren 16an kaleratutako langile bat berriro onartzeko, zehapen-araubidearen ordezko neurriak hartzeko eta erasoen aurrean protokolo eraginkorrak abian jartzeko. Enpresak neurririk hartu ezean, ez dituzte baztertzen greba egun gehiago.
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.