EBko kideek beren gas eskaria % 15 murriztea adostu dute negura begira
Europar Batasuneko Energia ministroek negura begira gas kontsumoa murrizteko plan bat adostu dute astearte honetan.
Bileran, 27 estatuetako ministroek beren gas eskaria % 15 murriztea adostu dute azken urteko batez besteko kontsumoarekin konparatuta. Murrizketa hori 2022ko abuztuaren 1ean hasi, eta 2023ko martxoaren 31n amaituko da.
Akordioa ez da aho batez adostu behar izan, baizik eta gehiengo kualifikatu bat eskatu da. Hau da, biztanleriaren % 65 batzen duten 15 herrialderen sostengua behar izan da. Espainiak, bere aldetik, planaren alde egin du, baina ez du onartu % 15eko murrizketa. "Murrizketa-helburu bat izango dugula uste dut. Ez % 15ekoa, nabarmen txikiagoa baizik", adierazi du Teresa Ribera Trantsizio Ekologikorako ministroak. Gaineratu duenez, plana elkartasun-pakete bat bada, hainbat neurri "konbinatu" behar dira "behar duenak energia eskuratu ahal izateko".
Hala ere, Kontseiluak salbuespen batzuk zehaztu ditu nahitaezko murrizketa-helburutik kanpo geratzeko. Beste herrialde batzuetako gas sareekin interkonektatuta ez dauden estatu kideek ez dute nahitaezko gas murrizketarik izango. Gainera, salbuetsita daude Europako sistema elektrikoarekin sinkronizatuta ez dauden eta neurri handi batean elektrizitatea ekoizteko gasaren mende dauden sare elektrikoak dituzten herrialdeak, hornidura elektrikoaren krisia izateko arriskua saihesteko aldera.
Halaber, estatuek salbuespen bat eskatu ahal izango dute eskaria murrizteko betebeharrak egokitzeko, beste herrialde batzuekin konexio mugatuak badituzte eta frogatu badezakete esportazio-gaitasunak edo gas naturalaren azpiegitura nazionala ahalik eta gehien erabiltzen direla beste herrialde batzuetara gasa birbideratzeko.
Azken salbuespen bat ere eskatu ahal izango da hurrengo egoeretan: gas biltegiak betetzeko helburuak gainditu dituzten herrialdeak, industria kritikoetarako lehengai gisa gasaren menpe dauden estatu kideak, edo azken bost urteetako batez bestekoarekin alderatuta azken urtean gas kontsumoa gutxienez % 8 igo duten herrialdeak.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.