Europako Banku Zentralak berriro ere igoko ditu interes-tasak irailean, Niko Cuenca ekonomialariaren iritziz
Europako Banku Zentralak berriro ere igoko ditu interes-tasak irailean, 0,50 edo 0,75eko igoera batekin, Niko Cuenca ekonomialariaren iritziz. Euskadi Irratiko Faktoria saioan izandako elkarrizketa batean ostegun honetan gogorarazi duenez, Ameriketako Estatu Batuetako Erreserba Federalak 0,75 igo ditu interes-tasak asteazkenean, inflazioaren igoera geldiaraztea helburu; ekonomialariaren esanetan, arriskua dago horrek atzeraldia ekartzeko: "Dolarra sendotzen du, eta gainerako dibisak ahuldu", ohartarazi du.
"1981etik ez da eman horrelako igoerarik", adierazi du Cuencak, Erreserba Federalaren erabakia hizpide, "Ronald Reagan presidente zenetik, eta garai hartan ere gerra batek eragin zuen". Orduan, igoerak atzeraldi ekonomikoa ekarri zuen "AEBn eta mundu osoan". Oraingoan, Cuencaren iritziz, eta kontuan izanik igoera handiagoa ere espero zutela hainbatek, "Erreserba Federalak zuhur jokatu du. AEBko lan-merkatuaren sendotasunean oinarritu da. Produkzioa eta gastua neurtzen dituzten adierazleak apaldu dira".
Cuencak argi du igoera gehiago izango direla, "eta Erreserba Federalak erabakitzen duenak mundu guztiari eragiten dio", zehaztu du. Dolarra ez diren gainerako dibisak ahultzeaz gain, igoera honek beste ondorio bat ekarriko du, haren esanetan: "Kanpo zorra handia duten herrialdeek, tartean herrialde txiroek, interes-tasa handiagoak ordaindu beharko dituzte. Dolarra sendotzen bada, arazo handiagoak izango dituzte".
Europari dagokionez, Europak inportatzen duen energia gehiena dolarretan ordaintzen duenez, Cuencak aurreikusten du Europako Banku Zentralak irailean interes-tasak igotzea, euroa sendotze aldera; igoera hori 0,50ekoa izan liteke, "eta 0,75 puntukoa ere bai", adierazi du.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.