Iñigo Ansola (EEE): "Denok pentsatu behar dugu nola aurreztu energia gehiago"
Energiaren Euskal Erakundeko (EEE) zuzendari nagusi Iñigo Ansolak ostiral honetan esan duenez, administrazio publikoek, industriek eta familiek neurriak hartu behar dituzte "energia-eraginkortasunaren alde, eta energia gehiago aurrezteko". Eusko Jaurlaritzako sail guztiek, Aldundiek, EUDELek eta Energiaren Euskal Erakundeak bilera dute ostiral goizean, energia krisiari aurre egiteko neurriak aztertzea helburu: "Denok pentsatu behar dugu nola aurreztu energia gehiago", esan du EEEko zuzendariak Radio Euskadiko Boulevard saioan bilera egin aurretik.
Ansolak nabarmendu du oso garrantzitsua dela energia aurrezteko eta gas kontsumoa murrizteko neurriak hartzea, kontuan izanik Europa mailako energia krisiko testuinguruan gaudela: "Eragina nabarmentzen ari gara, dagoeneko, gasaren eta petrolioaren eratorrien prezioa igo baita". Ildo horretan, EEEko zuzendariak azaldu du, Euskadin, "gas garraiorako ditugun azpiegiturei esker", beste herrialde eta lurralde batzuk baino egoera hobean egongo ginatekeela Errusiak gas hornidura etetea erabakiko balu; hala ere, adi egoteari ez uzteko eskatu du: "Arazoaren arrazoia da energia mendekotasun oso altua dugula, eta erregai fosilen prezioak eragina du gure poltsikoetan".
Energiaren Euskal Erakundeak, zuzendariak gogora ekarri duenez, "40 urte daramatza gomendatzen zer egin behar den energia gehiago aurrezteko eta kontsumoa murrizteko; orain da abiatzeko garaia", azpimarratu du, eta zehaztu ere zehaztu du zeintzuk izan litezkeen horietako batzuk: "Klimatizazioa, birgaitzea, erakunde publikoak gero eta hobeto isolatuta izatea, mugikortasun jasangarria, edo errekuntzako-motorra ez erabiltzeko beste aukera batzuk".
"Pentsatu behar dugu nola izan gaitezkeen eraginkorragoak, eta nola aurreztu energia gehiago", adierazi du. Aurrezte horrek, gainera, diru gutxiago gastatzeaz gain, ingurumena zaintzen ere lagungarria izatea ekarriko du.
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.