EAEko aireportuek pandemia baino lehenagoko datuak gainditu dituzte, bidaiarien zirkulazioari dagokionez
Euskadiko aireportuek pandemia baino lehenagoko jarduera berreskuratzen jarraitzen dute, eta, berez, azken uztailean gainditu egin dituzte 2019ko uztaileko datuak, bidaiarien zirkulazioari dagokionez. Hain zuzen ere, Bilboko aireportuan, espainiar Estatuko hegaldietako bidaiarien zirkulazioa % 11tik gora hazi da, 2019ko uztailarekin alderatuta. Duela hiru urteko uztaileko datu orokorra kontuan izanik, Donostiak % 31,7 egin du gora, eta Gasteizek % 44,5, Aena espainiar Estatuko aireportuetako kudeatzaileak ostiral honetan jakitera eman duenez.
Hala, aipatutako iturriaren arabera, Bilboko aireportuak, uztailean, 580.572 bidaiari izan zituen guztira, hau da, 2019ko uztailean izandako bidaiarien % 96,3. Urtarriletik uztailera arteko epeak kontuan izanik, 2019an izandako bidaiarien % 80,3 ibili dira Bilboko aireportuan; guztira, zazpi hilabete horietan, 2.712.766 lagun.
Zirkulazio-motari erreparatuta, espainiar Estatukoa % 11,4 igo da uztailean, 2019ko uztaileko datuekin alderatuta (364.583 bidaiari, guztira(. Nazioarteko bidaiariak aztergai, 2019ko uztailean izandakoen % 78,2 izan dira aurten, 214.985 pertsona, hain zuzen ere.
Operazioak ere ibili dira ondo uztailean. Guztira, 4.672 aireratze eta lurreratze jaso dituzte; 2019ko uztaileko datuak kontuan izanik, aurtengoa % 94,8 izan da.
Donostian, aireportuak % 31,7ko gorakada izan du uztailean, 2019ko uztailarekin alderatuta; guztira, 43.370 bidaiarik erabili dute gipuzkoar aireportua. Aurtengo lehen zazpi hilabeteetan, 200.372 bidaiari izan dira bertan; 2019ko lehen zazpi hilabeteetan, aldiz, % 7,5 gutxiago izan ziren.
693 aireratze eta lurreratze izan dira uztailean, eta 3.026 hegaldi urtarriletik hona. Aenak gogora ekarri duenez, honako lotura erregularrak ditu: Madril, Bartzelona, Sevilla, Malaga, Kanaria Handia, Palma, Menorca eta Londres.
Araban, Gasteizko aireportuak % 44,5eko gorakada izan du uztailean, bidaiari-kopuruan, 2019ko uztailarekin alderatuta; guztira, 25.386 bidaiari izan ditu azken hilabetean. Urtarriletik uztailera bitartean, 128.967 bidaiari ibili dira Gasteizeko aireportuan, 2019ko lehen zazpi hilabeteetan baino % 28,9 gehiago.
Operazioak zenbatuta, uztailean 1263 aireratze eta lurreratze jaso dituzte, 2019ko uztailean baino % 11,7 gehiago. Guztira, 7.798 hegaldi izan dira, % 21,7 gehiago, urtarriletik, 2019ko epe hori bera kontuan izanik.
Aire-zama arloan, Gasteizko aireportuan izandako salgaien zirkulazioa 6.211 tonakoa izan da uztailean, Aenak zehaztu duenez. Eramandako zama-kopurua, beraz, 2021eko uztailekoa baino % 3,2 handiagoa izan da. Urteko lehen zazpi hilabeteetan, aldiz, 42.996 tona zama eraman dituzte, 2021ean baino % 2,1 gehiago.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.