Riberak ziurtatu du zortzi hilabeteren buruan egon daitekeela martxan gasa Europara eramateko gasbide berria
Teresa Ribera hirugarren presidenteorde eta Trantsizio Ekologikorako eta Erronka Demografikorako ministroak ostiral honetan ziurtatu duenez, Frantziako interkonexioetan konpresore gehigarri bat instalatzeak % 20 eta % 30 artean igo dezake Espainiako gasa esportatzeko ahalmena.
Riberak TVEn egindako elkarrizketa batean azaldu duenez, neurri hori, metano-ontzien logistika hobearekin batera, "Putinen xantaiaren" aurrean Europa gasez hornitzen laguntzeko epe laburreko konponbideak izan daitezke.
Horretarako, ministroak espero du Gijongo portua hobeto aprobetxatzea abendutik aurrera metano-ontziak bidaltzeko.
Presidenteordeak pozik hartu ditu Olaf Scholz Alemaniako kantzilerraren hitzak; izan ere, Portugalek eta Espainiak Europako gainerako herrialdeak hornitzeko gasbidea eskatu zuen.
Riberaren ustez, hitz horiek erakusten dute Espainiaren gas konexioa ez dela Frantziarekiko aldebiko auzia, baizik eta Europar Batasuneko beste herrialde batzuk inplikatzen dituen zerbait. Izan ere, Alemania gonbidatu du une honetan inguruko herrialdearekin egiten ari diren goi mailako bileretan parte hartzera.
Trantsizio Ekologikoko ministroak onartu du MidCat eraikitzeko "inbertsio oso handia" egin beharko dela, eta defendatu du beharrezkoa dela azpiegitura hori 30 eta 50 urte arteko bizitzarako planteatzea, eta, ondoren, gasak bere hodietan hidrogeno berriztagarriari lekua uztea.
Riberak ziurtatu du gasbidearen Espainiako zatian lanak zortzi edo bederatzi hilabetetan amaituta egon daitezkeela, baina azken epeak ere Frantziak mugaren zatian egiten duenaren araberakoak direla.
"Zentzu gutxi du guk korrika asko egiteak, baldin eta frantziar aldetik irteerabako kalezulo bihurtzen bada", azpimarratu du. Halaber, Europa osoko horniduraren segurtasuna hobetuko duen proiektua denez, Gobernuak uste du Europako proiektu gisa finantzatu beharko litzatekeela.
Ministroak Europa mailan energia-neurriak hartzeko aukerak nabarmendu ditu, eta Espainia krisi energetikoaren esparruan bere bazkideekin lankidetzan aritzeko prest dagoela nabarmendu du.
Frantzia "botila lepo" izan litekeela ohartarazi du Tapiak
MidCat proiektuari buruz galdetuta, Arantxa Tapia Jaurlaritzako Ekonomiaren Garapen, Jasangarritasun eta Ingurumeneko sailburuak esan du "inbertsio garrantzitsuak" egin behar direla, eta hori gorabehera, gasbideak Frantzia zeharkatu behar duela. "Frantziak bere gasbideak nahikoa mugatuta ditu jada", ohartarazi du.
"Nik uste dut Enagasek eta ministroak (Teresa Ribera Trantsizio Ekologikokoa) ez dutela gaizki ikusi, baina iruditzen zait ondo aztertu behar dela Frantzian sor daitezkeen botila lepoak", azaldu du.
MidCat proiektua
Duela urte batzuk MidCat egitasmoa baztertu zuten, Errusiako gas naturala inportatzea onuragarriagoa zela iritzita. Hostalric (Katalunia) eta Frantziako hegoaldearen artean 220 kilometro inguru eraiki barik geratu ziren.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.