Goia: "Uste dut Donostiakoaren gainetik beste interes batzuk inposatzen ari direla turismo tasaren kontura"
Eneko Goia Donostiako alkateak nabarmendu du, Marisol Garmendia Donostiako PSE-EEko zinegotziak leporatutakoa gorabehera, bera ez dagoela "turismo tasarekin obsesionatuta", eta erantsi du uste duela "Donostiakoaren gainetik beste interes batzuk inposatzen" ari direla gai horren kontura. Izan ere, azpimarratu duenez, Garmendiaren adierazpen "harrigarriak" Javier Hurtado Eusko Jaurlaritzako Turismo sailburuak "esandakoak eta gero" etorri dira. "Niri dagokit Donostiako interesak defendatzea, eta hori egingo dut", ohartarazi du.
Goia Euskadi Irratiko "Faktoria" saioan elkarrizketatu dute gaur, turismo tasaren inguruan koalizioko bazkidearekin desadostasunak sortu eta biharamunean. EAJren alkateak berretsi du "Donostiako klabean, eta gure errealitatetik" tresna hori "interesgarria" dela "turistei eskaintzen dizkiegun zerbitzuak hobetzeko". Dena dela, aitortu du euren asmoa ez dela ezer inposatzea: "Bilbok edo Gasteizek ez badute nahi halako tasarik ezarri, ulertzen dut". Horren esanetan, 2019an egindako kalkuluen arabera, hiru euro jarrita, "lau milioiko gehigarria" lortuko luke Udalak eta horiekin zerbitzuak hobetzeko modua izango luke; "hori baita helburua", argitu du.
Azaldu duenez, Gipuzkoako Aldundiarekin "lana eginda" dute, eta, duela hiru urte, Larrañaga Ogasun diputatuarekin tasa ezartzeko "elkarlanari bidea" eman zioten, "baina ez dago argi nahikoa ote diren lurraldeko eskuduntzak tasa indarrean jartzeko. Beharrezkoa balitz Legebiltzarrera joatea hala egingo nuke", azaldu du. Horren iritzian, tasak ez ditu "turistak uxatuko", eta Kataluniako edo Valentziako kasuak aipatu ditu horren adibide.
Donostiako Aste Nagusia hizpide, jakinarazi du "hirugarren gauez nahiko lasai" joan dela, eta ez dela salaketarik egon eraso matxistengatik. Ziztadei buruz, onartu du "kezkatuta" daudela sortutako "zurrunbiloagatik", ziztatzea ez baita zaila, baina bai, ordea, "atzematea". Zehaztu du Donostiako Aste Nagusi osoan zehar bi salaketa formal izan dituztela jaietan.
Hori gorabehera, "arazoak arazo, eta euriak euri", festetan "giro onean gozatzeko aukera" izan dela nabarmendu du, eta irudipena duela azken urteetako jendetsuenak izan direla. "Turistak ere bai, bisitariak lepo izan ditugu, eta ikusi beharrik ez zen goizean etorri eta gero iluntzerako Topo inguruan biltzen zen jendetza". Dena dela, oraingoz jasotako bisita kopuruaren daturik ez duela esan du, datuak hilabete amaieran ematen baititu turismo bulegoak.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.