Yolanda Diazek gutxieneko soldataren negoziazio mahaian berriro esertzeko eskatu die enpresaburuei
Yolanda Díaz Espainiako Gobernuko bigarren presidenteorde eta Lan eta Gizarte Ekonomiako ministroak sindikatuekin berriro esertzeko eskatu die enpresarien ordezkariei, negoziazio kolektiboaren esparruan datozen urteetarako soldata-igoeraren gomendioa zehazteko, joan den maiatzean bi aldeek akordio bat ixtea lortu ez zutelako.
Enpresarien konfederazioak gaur bertan ohar baten bidez salatu du Espainiako Gobernuak esku hartu duela bi aldeko negoziazio horretan.
"Berriro esango diot" Espainiako Enpresaburuen Elkarteen Konfederazioari (CEOE) "negoziazio mahaira itzultzeko eta soldata akordio batera iristeko gai izateko", esan du ministroak ostiral honetan Madrilen, lanbide arteko gutxieneko soldata aztertzeko Aholku Batzordearen bileraren ostean emandako prentsaurrekoan.
Yolanda Diazek adierazi duenez, "Espainiako gizartea tentsionatzen duena da hilaren amaierara ez iristea eta erosteko ahalmenaren galera bat izatea, 17 milioi soldatapekok Espainian dutena bezalakoa". "Maiatzaren 5etik mahaitik altxatu dira eta berriro negoziaziora itzultzeko eskatzen diet", errepikatu du.
Horren aurrean, CEOEk negoziatzen jarraitzeko prest daudela azpimarratu du, eta "inoiz ez direla mahaitik altxatu" defendatu du.
Diazek, berriz, esan du "zentzuzkoak" iruditzen zaizkiola sindikatuek planteatutako igoerak, "interes orokorra defendatzen ari baitira", eta patronalari negoziatzera esertzeko eta "herrialdearen onerako" akordioa lortzeko eskatu dio.
Gutxieneko soldata
Lan Ministerioak bi hilabete eta erdiko epea eman dio lanbide arteko gutxieneko soldataren arloko aholku-batzordeari, 2023rako gutxieneko soldata igotzeko proposamen bat aurkez dezan. Ondoren, elkarrizketa sozialaren mahaia deituko du, patronalarekin eta sindikatuekin gorakada hori negoziatzeko.
"Une zail eta ezohikoetan gaude", azpimarratu du Diazek inflazio handiak markatutako testuinguru ekonomiko bati dagokionez, baina gogorarazi du Europako herrialde "askok" dagoeneko hartu dituztela beren gutxieneko soldaten igoerak, hala nola Alemaniak, Belgikak, Greziak, Herbehereek edo Poloniak, eta Frantziak hiru aldiz handitu duela aurten.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.