Eroskik prezioei "eusteko" ahalegina nabarmendu du, mozkin-marjina "estua" duen sektore batean
Eroskik salmenta-prezio publikoei "eusteko" egiten ari den "ahalegin handia" nabarmendu du, azken hiruhilekoan egindako sustapen-ahaleginetan, batez ere; eta gogorarazi du banaketarena bezalako sektore batena mozkin-marjinak "estuak" direla, eta ez dagoela "maniobrarako aukera handirik".
Kristin Prieto Eroskiko Komunikazio arduradunak Europa Pressi azaldu dionez, Eroski "une honetan bizi dugun" egoeraren konplexutasunaz "oso jabe da", baita ondorioez ere, "inflazioa" nagusiki. Horregatik, azken hiruhilekoan, "sustapen-ahaleginak bikoiztu" egin dituztela argitu du. "Egia esan ahalegin handia egiten ari gara bezeroari laguntzeko, kontsumitzaileei, eta prezioen eta inflazioaren igoeraren aurrean, salmenta-prezioei eusten saiatzen ari gara", ziurtatu du.
Zehazki eskaintza mota desberdinak aipatu ditu, "3x2, bigarren unitatea % 70era, edo BEZ gabeko egunak", esaterako, batez ere "marka propioa sarituz". Gainera, gogorarazi du, abuztuko bigarren hamabostaldian sustapen-kanpaina bat abian jarri zutela, "800 produktuz osatutako saski ekonomikoa, produktu freskoak ere barne hartzen dituena eta familia-tipo bati erosketa saskia osatzeko balio diona. Preziorik hoberenetan dauden produktuak dira eta Eroskik kontsumitzaileei laguntzeko egiten duen ahaleginaren erakusle", azpimarratu du.
Halako egoera baten aurrean aintzat hartu behar den kontuetako bat mozkin-marjianarena dela dio Prietok eta banaketarena bezalako sektore batean, "marjina hori estua" dela eta "maniobrarako toki handirik ez" dagoela.
Gaineratu duenez, espainiar Estatuan banaketa-sektoreak "ultralehiakortasun" deritzona pairatzen du, eta, beraz, banaketa-enpresa gehienek prezioak "asko" doitu behar dituzte bezeroak erakartzeko eta sustapen-jardueretan "oso aktibo" izateko.
Azkenik, argi utzi nahi izan du inflazioak ez diola "inori" mesede egiten, eta Eroskik "ekoizlearen" inflazioaren presioa ere nabaritu duela.
"Gogoratu behar da hau balio-kate bat dela, ekoizlearengan hasi eta, banatzailearen bidez, bezeroan amaitzen dena. Jakina, lehengaien kostuak eta energiarenak igotzen direnean, ekoizleak bere salmenta-prezioa igo beharra ikusten du, eta guk, balio-kate horren parte garenez, garestiago erosi behar dugu produktu hori. Halere, berriro diot, ez dugu nahi igoera hori guztia kontsumitzailearen bizkar uztea, uste baitugu egoerak eskatzen duela gure partetik ahalegina egitea ere", amaitu du.
Zure interesekoa izan daiteke
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".